Aktualitet

Tiranë/ Shoqërohet në Polici Endrit Dokle, po lëvizte në mjet me të dyshuarin e masakrës së Fushë Krujës

Një prej personazheve më të rëndësishëm të bandës së Durrësit, Indrit (Endrit/Diti) Dokle është liruar me shumë bujë nga burgu më 14 janar të vitit 2020.

8 Tetor 2022, 21:03 Nga k.m.
Tiranë/ Shoqërohet në Polici Endrit Dokle, po lëvizte
Endrit Dokle

TIRANË- Shoqërohet në Drejtorinë e Policisë së Tiranës, Endrit Dokle. Ka pasur dyshime se ai qarkullonte në mjetin e tij me persona që kanë precedentë penale, ndaj edhe mjeti i tij është ndaluar për verifikim. U zbulua se me të po udhëtonte  Fatjon Murati. Emri i këtij të fundit ishte në listën e 6 personave ishin kërkuar të merreshin në pyetje nga Prokuroria e Kurbinit, për masakrën e Fushë Krujës. 

Në listë bënin pjesë: Ramazan Rraja, nipi i deputetit të Partisë Socialiste Rrahman Rraja; Endrit Dokle; Fatjon Murati dhe Gentjan Reçi. Po ashtu në listë për t’u marrë në pyetje ishin miqtë e Ramazan Rrajës, Alesio Dobrozi dhe Rohan Brahimi (Prendi).

Mirëpo, Policia nuk ka ende një njoftim zyrtar lidhur me ngjarjen, edhe pse deri më tani është bërë me dije se po merret në pyetje nga uniformat blu të kryeqytetit.

Një prej personazheve më të rëndësishëm të bandës së Durrësit, Endrit (Indrit/Diti) Dokle është liruar me shumë bujë nga burgu më 14 janar të vitit 2020. Ishte gjyqtarja e Gjykatës së Krujës, Enkelejda Hoxha, ajo që mori vendimin, të cilin e arsyetoi me raportet e mira që ishin nisur nga Drejtoria e Burgjeve dhe Shërbimi i Provës, por dhe se ai ishte penduar dhe tashmë i duhej të kujdeses për të atin që e kishte sëmurë. ‘Kapoja’ e bandës së Durrësit ka qenë i dënuar me burg përjetë por koha e dënimit, i është ulur me 25 vite.

Së fundmi, emri i tij është përmendur sërish, por kësaj here për zhdukjen e Ervis Martinajt. Për zhdukjen e biznesmenit të Dokle është marrë në pyetje nga grupi hetimor dhe është shprehur se nuk ka asnjë lidhje me ngjarjen, duke u distancuar nga zhdukja e tij që daton që prej 9 gushtit.

Endrit Dokle është marrë në pyetje pasi Nuredin Dumani, i penduari i drejtësisë që 'zbërtheu' vrasje të ndodhura që nga viti 2012, tha se Martinaj i kishte ofruar një çek të bardhë në këmbim të 'kokës' së kreut të fraksionit të Bandës së Durrësit. Kjo dëshmi bëri që Martinaj të futej në listën e të shumëkërkuarve nga operacioni "Plumbi i artë", por pas muajsh kontrolle, familja e denoncoi të zhdukur. 

fatjon murati endrit dokle shoqerohet endrit dokle

Sondazh

Poll

Aktualitet 8 Tetor 2022, 20:53 k.m.

FNSH aksion ‘blic’ në Vlorë

Pamje nga aksioni në Vlorë VLORË- Dje ishin në Elbasan, sot Forcat e Ndërhyrjes së Shpejtë kanë zbarkuar në Vl...

MË SHUMË