Bota

Padia e Twitter ndaj miliarderit për blerjen e kompanisë për 44 mld $, Elon Musk i prerë: Do merrni jo si përgjigje

Një vendim gjykate për të shtyrë një gjyq mbi ofertën e miliarderit për blerjen e Twitter-it funksionon në favor të tij ndërsa ai planifikon hapat e tij të ardhshëm.

7 Tetor 2022, 13:57 Nga k.m.
Padia e Twitter ndaj miliarderit për blerjen e kompanisë për 44
Elon Musk

SHBA- Twitter refuzon të pranojë ofertën e rinovuar të Elon Musk për blerjen e kompanisë së mediave sociale për 44 miliardë dollarë.  Miliarderi i ka kërkuar gjykatës që të shtyjë gjyqin e ardhshëm, teksa rinovoi ofertën e tij për të blerë rrjetin e mediave sociale këtë javë dhe ndau disa detaje rreth qëllimeve të tij.

“Blerja e Twitter-it është një përshpejtues për të krijuar X, aplikacionin ku mund të gjesh gjithçka”, shkroi Elon Musk në Twitter të martën.

Musk i shtoi se Twitter ndoshta mund ta përshpejtojë aplikacionin e ri me 3 deri në 5 vjet. Avokatët e Elon Musk thanë se gjyqi duhet të shtyhet për t’i dhënë më shumë kohë CEO-s së Tesla-s për të siguruar financimin.

Në një dosje gjyqësore, avokatët e Elon Musk thanë: Twitter nuk do të marrë po, për një përgjigje. Çuditërisht, ata kanë këmbëngulur për të vazhduar me këtë proces gjyqësor, duke vënë në mënyrë të pamatur marrëveshjen në rrezik dhe duke luajtur kumar me interesat e aksionerëve të tyre.

Avokatët vunë në dukje se gjyqi i ardhshëm do të “pengonte përparimin e marrëveshjes”.

Sipas avokatëve të Musk, po punohet për të mbyllur marrëveshjen deri më 28 tetor. Twitter tha se ishte kundër pezullimit të procesit gjyqësor, duke e konsideruar një veprim të tillë “një ftesë për keqbërje dhe vonesë të mëtejshme”. Musk njoftoi planin për të blerë Twitter për 54.20 dollarë për aksion në prill. Kompania përfundimisht paditi Musk për ta detyruar të përfundojë marrëveshjen.

Tani gjyqi është shtyrë për në 28 tetor për të lejuar mbylljen e një marrëveshjeje. Aksionet në Twitter e mbyllën ditën me më shumë se 3%, mes dyshimeve të investitorëve se marrëveshja do të realizohet.

elon musk

Sondazh

Poll

MË SHUMË