Politike

Anëtarja e Këshillit Kombëtar të PD: Berisha kishte dijeni për parregullsitë në zgjedhjet për kreun e FRPD-së

Doda u shpreh se Berisha ka dëgjuar ankesat e kandidatëve, por nënvizoi se procesi u zhvillua nga FRPD.

4 Tetor 2022, 21:49 Nga DOSJA
Anëtarja e Këshillit Kombëtar të PD: Berisha kishte dijeni
Barbara Doda

TIRANË- Anëtarja e Këshillit Kombëtar të Partisë Demokratike, Barbara Doda e cila garoi për kreun e FRPD-së, thotë se kryedemokrati Sali Berisha ka qenë në dijeni për parregullsitë e procesit zgjedhor në këtë forum.

Në një intervistë për Euronews Albania, Doda u shpreh se Berisha ka dëgjuar ankesat e kandidatëve, por nënvizoi se procesi u zhvillua nga FRPD.

“Mendoj që ky proces që ishte, nuk favorizonte të gjithë kandidatët, favorizonte vetëm një. E qëllimshme ose jo nuk e di, por patjetër favorizonte një nga kandidatët që kishte qenë pjesë drejtuese e FRPD-së. Kjo ka të bëjë me procesin. Nuk më intereson nëse humb apo fitoj një garë. Zoti Berisha ka qenë në dijeni gjatë gjithë kohës, ka qenë i gatshëm të dëgjojë ankesat tona dhe problematikat brenda forumit. Ky proces ka qenë tërësisht në dorën e FRPD-së. Ish-drejtuesi nuk mori përgjegjësi dhe kjo është fatkeqësi”, theksoi ajo.

Marrë nga EuroNews

barbara doda sali berisha

Sondazh

Poll

MË SHUMË