Aktualitet

Zbërthyen grupin kriminal, Qyno tregon ç'i kërkuan prokurorisë vëllezërit Beqiri: Mbrojtje për veten e familjen

Qyno tha se pasi dy vëllezërit janë shoqëruar në polici, kanë kërkuar mbrojtje të jetës së tyre dhe të familjarëve.

4 Tetor 2022, 17:54 Nga F.M
Zbërthyen grupin kriminal, Qyno tregon ç'i kërkuan
Elton Qyno

TIRANË- Gazetari Elton Qyno deklaroi se vëllezërit Gentjan dhe Indrit Beqiraj u bënë bashkëpunëtorë të drejtësisë pasi parashtruar disa kërkesa ndaj organit të akuzës. I ftuar në studion e “Ora News”, Qyno tha se pasi dy vëllezërit janë shoqëruar në polici, kanë kërkuar mbrojtje të jetës së tyre dhe të familjarëve. Më pas kanë nisur rrëfimin.

“Vëllezërit Beqiraj janë goditur kur kanë qenë mbi një motor në Shijak. Për shkak se situata është raportuar në fillim. Drejtuesit e makinës kanë shkëmbyer fjalë dhe janë konfliktuar me vëllezërit, ndërsa një nga vëllezërit është marrë me makinë dhe është larguar, pikërisht është kuptuar se ka qenë një ngjarje kriminale dhe jo një aksident. Patrulla i është vënë pas makinës dhe ka njoftuar policinë e Durrësit për ta rrethuar automjetin. Mjeti është braktisur nga autorët dhe pengu Beqiraj është lënë i lirë. Vëllezërit janë shoqëruar në polici dhe janë marrë në pyetje dhe ata kanë shprehur vullnetit për të bashkëpunuar për një sërë krimesh. Ata kanë kërkuar që tu garantohet jeta e tyre dhe familjarëve të tyre,”- tha Qyno ndër të tjera.

Sot u shkatërrua një grup kriminal me vrasës me pagesë. Gjithçka nisi nga përplasja në autostradë me pengmarrjen e Indrit Beqirajt, ngjarje të cilën e raportoi ekskluzivisht Dosja.al. I riu bashkë me të vëllanë Gentjan Beqiri po luanin Pëllumb Muharremin 9Rrumi) për ta vrarë, por u pikasën nga shoferi i tij Agron Bejdolli. Në orët e para të mëngjesit të 3 tetorit ata u përplasën me makinë nga Bejdolli. Indrit Beqiraj u mor dhe u dhunua për dy orë nga grupi i Rrumit të Shijakut. Më pas u lirua e shkoi në polici për të rrëfyer ngjarjen bashkë me të vëllanë. Të dy treguan se ishin pjesë e një grupi kriminal me në krye Kasandër Nogën, i arrestua në Belgjikë. Ata rrëfyer se ishin autorë të masakrës së Don Boskos ku mbeti i vrarë gabimisht Erjon Çela, pasi shënjestra Geron Hasanbelli, vëllai i armikut të përbetuar të Nogës, Erion Hasanbelli. Killer mendohet të ketë qenë Kevin Zeneli alias Kevin Suçi, i ‘besuari’ i Nogës, por që këtë herë e zhgënjeu! I njëjti grup ka ekzekutuar dhe Arben Mërkurin (Maneci). 14 të arrestuarit: Gentjan Beqiraj; Indrit Beqiraj; Flamur Bejko; Pellumb Hoxha; Idajet Hoxha; Armand Dalipi (Daka); Fatjon Myrta; Blerim Elezi; Gentian Sheshi; Kujtim Deliallisi; Albano Hajdari; Fatjon Hajdari; Armando Lama; Altin Celami; Ilirjan Feçi – i arrestuar më parë, në kuadër të operacionit “Golden Bullet”. Të shpallur në kërkim: Agron Bejdolli, Aleksander Laho alias Pellumb Muharremi (Rrumi); Dritan Ferra alias Dritan Muça alias Dritan Prifti; Alban Skonja dhe Kevin Zeneli alias Kevin Suçi.

elton qyno operacioni porositesi

Sondazh

Poll

MË SHUMË