Bota

Zgjedhjet në Brazil: Lula dhe Bolsonaro nuk arrijnë të fitoren në raundin e parë, do të përballen me balotazh

BBC shkruan se kjo pasi me pothuajse të gjitha votat e numëruara, Lula kishte fituar 48% kundrejt 43% të Bolsonaros, një rezultat shumë më i afërt se sa kishin sugjeruar sondazhet.

3 Tetor 2022, 08:37 Nga I.A
Zgjedhjet në Brazil: Lula dhe Bolsonaro nuk arrijnë të fitoren
Panderolat

BRAZIL- Zgjedhjet e Brazilit do shkojnë në një raund të dytë në të cilin krahu i majtë Luiz Inácio Lula da Silva do të përballet me presidentin aktual të ekstremit të djathtë Jair Bolsonaro. BBC shkruan se kjo pasi me pothuajse të gjitha votat e numëruara, Lula kishte fituar 48% kundrejt 43% të Bolsonaros, një rezultat shumë më i afërt se sa kishin sugjeruar sondazhet.

Por Lula nuk arriti më shumë se 50% të votave të vlefshme të nevojshme për të parandaluar balotazhin. Votuesit tani kanë katër javë për të vendosur se cili nga të dy duhet të udhëheqë Brazilin. Fitimi i plotë në raundin e parë do të ishte gjithmonë një arritje të madhe për çdo kandidat, hera e fundit që ndodhi ishte 24 vjet më parë.

Por presidenti Bolsonaro dhe Lula u kishin dhënë mbështetësve të tyre shpresë se ata mund të arrinin pikërisht këtë. Megjithatë, të dy kandidatët mund dhe do ta pretendojnë këtë si fitore. Për Lulën, i cili nuk mundi të kandidonte në zgjedhjet e 2018 sepse ishte në burg pasi u dënua për akuza korrupsioni, kjo paraqet një rikthim të jashtëzakonshëm. Dhe presidenti Bolsonaro, për të cilin sondazhet kishin treguar se ishte shumë pas Lulës, do të gëzohet për faktin se ai u tregoi se anketuesit e kishin gabim, ashtu siç kishte parashikuar që do ta bënte.

Kjo është një dramë që ka vite që po krijohet. Dy burrat janë rivalë të mëdhenj dhe e shpenzuan pjesën më të madhe të fushatës duke fyer njëri-tjetrin. Në debatin e fundit televiziv para votimit, Presidenti Bolsonaro e quajti Lulën një hajdut, në lidhje me akuzat për korrupsion që e futën në burg për 580 ditë përpara se të anulohej dënimi. Lula, nga ana tjetër, e ka etiketuar Bolsonaro një të çmendur.

 

luiz inácio lula da silva permbytje ne jair bolsonaro

Sondazh

Poll

MË SHUMË