Politike

"Vratë shpresat e të rinjve", Kokalari denoncon zgjedhjet në FRPD dhe njofton largimin: Turp të ju vijë

Sipas saj nga 49 emra, 7 janë mbi moshen e duhur për të votuar pasi limiti për të votuar është deri në moshën 35-vjeçare. Ndërkohë Kokalari shkruan se 18 veta nga kjo listë, nuk kanë as moshën të regjistruar. Pra, nga 49 emra, 25 votues nuk kualifikojnë ndërkohë që disa janë dhe jashtë shtetit.

2 Tetor 2022, 13:09 Nga e.k
"Vratë shpresat e të rinjve", Kokalari denoncon zgjedhjet
Evi Kkokalari

TIRANË- Evi Kokali ka reaguar pas zgjedhjeve të mbajtura në Forumin Rinor të Partisë Demokratike ditën e djeshme ku fitues u shpall Besart Xhaferri.

Me anë të një postimi në Facebook aktivistja Kokalari ka publikuar një foto të procesverbarit të mbajtur në pikën e vcotimit në Thumanë. Sipas saj nga 49 emra, 7 janë mbi moshen e duhur për të votuar pasi limiti për të votuar është deri në moshën 35-vjeçare. Ndërkohë Kokalari shkruan se 18 veta nga kjo listë, nuk kanë as moshën të regjistruar. Pra, nga 49 emra, 25 votues nuk kualifikojnë ndërkohë që disa janë dhe jashtë shtetit.

Ajo nuk ka kursyer as ironitë teksa shkruan se 7x7 nuk bëjnë 42. 

"Vratë shpresat e të rinjve", Kokalari denoncon zgjedhjet

Ndërkohë me anë të një postimi ajo shprehet se tashmë shpresa e të rinjve është vrarë dhe ajo nuk do të angazhohet më në PD.

"Sot ju vratë rininë dhe çdo shpresë që ata kishin në një parti të rithemeluar.
Turp kryesisë që e lejoj këtë masaker zgjedhore. Une nuk merrem më me këtë nivel njerëzish. Qofshi të gjithë mirë", shkruan Kokalari.

Kujtojmë se Evi Kokalari ka qenë një nga mbështetëset e para të lëvizjes së kreut të Partisë Demokratike, Sali Berisha për organizimin e "Foltoreve" me demokratët pas përjashtimit të tij nga ish-kryedemokrati, Lulzim Basha. Ajo që është vënë re kohët e fundit është një distancim i saj nga proceset zgjedhore në Partinë Demokratike ku ka shfaqur edhe kritikat e saj. Ajo prej muajsh tashmë është në një "luftë të ftohtë" me deputetin dhe ish-numrin një të të rinjve demokratë Belind, Këlliçi. Edhe gjatë ditës së djeshme ajo ka bërë disa postime ku denoncon parregullsitë që sipas saj janë hasur në proces.

Zgjedhjet për Forumin Rinor të Partisë Demokratike u mbajtën ditën e djeshme pas më shumë se 1 muaj garë mes kandidatëve. Në garë ishin 6 kandidatë, Besart Xhaferri, Maringlend Doçi, Barbara Doda, Alesia Balliu, Arnold Karriqi dhe Artion Bajramaj. Pas procesit të numërimit të votave fitues me një rezultat të thellë u shpall Besart Xhaferri i cili tashmë do t;u prijë të rinjve demokratë.

evi kokalari

Sondazh

Poll

MË SHUMË