Politike

SHBA me rregulla të reja/ Kim: Çojmë përpara luftën kundër atyre që gërryejnë demokracinë

Në një postim në rrjetet sociale, ambasada shkruan se Kim është shprehur se se ky rregull e çon më përpara luftën kundër korrupsionit. 

1 Tetor 2022, 18:59 Nga F.M
SHBA me rregulla të reja/ Kim: Çojmë përpara luftën
Yuri Kim

TIRANË- Ambasada e Shteteve të Bashkuara të Amerikës në Tiranë dhe përfaqësuesja Yuri Kim kanë reaguar pas rregullit të ri kundër korrupsionit që u publikua sot nga Departamenti Amerikan i Thesarit. Në një postim në rrjetet sociale, ambasada shkruan se Kim është shprehur se se ky rregull e çon më përpara luftën kundër korrupsionit. 

"Sekretarja e Thesarit e Shteteve të Bashkuara, Janet L. Yellen shpalli një rregull të ri mbi raportimin e pronësisë përfituese sipas Ligjit të Transparencës së Koorporatave. “Ky rregull do të çojë akoma më përpara punën për të luftuar korrupsionin dhe efektet e tij gërryese mbi demokracinë dhe sundimin e ligjit – si në vend ashtu edhe në mbarë botën”, tha Ambasadorja e Shteteve të Bashkuara Yuri Kim,"- shkruhet në postimin e ambasadës.

Shtetet e Bashkuara të Amerikës kanë ndërmarrë një tjetër hap në luftën kundër Korrupsionit, duke u vështirësuar kriminelëve fshehjen e identitetit dhe pastrimin e parave që burojnë nga korrupsioni e krimi i organizuar. Në faqen zyrtare të Departamentit Amerikan të Thesarit është bërë publike fjala e Sekretares amerikane të Thesarit Janet L. Yellen, e cila ka shpallur një rregull të ri mbi raportimin e pronësisë përfituese sipas Ligjit të Transparencës së Koorporatave.

Sipas Yellen, ky rregull vjen pasi viteve të shumta punë nga Kongresi, Thesari, siguria kombëtare dhe agjencitë e zbatimit të ligjit, dhe palë të tjera të interesuara për të forcuar transparencën e korporatës duke minimizuar ndikimin e pajtueshmërisë tek bizneset e ndershme. Ajo shton se ky rregull do ta bëjë më të vështirë për kriminelët, rrjetet e krimit të organizuar dhe aktorët e tjerë të paligjshëm që të fshehin identitetin e tyre dhe të pastrojnë paratë e tyre përmes sistemit financiar. 

 

yuri kim

Sondazh

Poll

MË SHUMË