Aktualitet

"Nuk u nisa për ta vrarë", 27-vjeçari shqiptar shprehet i penduar pas vrasjes së pronarit të dyqanit gjatë një grabitje në Greqi

Siç është regjistruar në video dokumentin nga kamerat e sigurisë së dyqanit, viktima dyshohet se ka rezistuar dhe për pasojë sulmuesi 27-vjeçar me origjinë shqiptare e ka qëlluar me plumb në kokë.

27 Shtator 2022, 10:57 Nga d.a.
"Nuk u nisa për ta vrarë", 27-vjeçari shqiptar
Pamje nga grabitja

GREQI- “Nuk e dija që pistoleta kishte plumba”, argumentoi 27-vjeçari shqiptar i cili akuzohet se vrau 44-vjeçarin punonjës të dyqanit gjatë grabitjes vrasëse të ndodhur në zonën e Toumbës në Selanik. Grabitja pas vrasjes që tronditi vendin, ndodhi në nëntor të vitit 2021, kur 44-vjeçari Marios, teksa punonte në dyqan, u përball me një grabitës, i cili ishte i maskuar dhe i veshur me doreza, hyri në dyqan dhe e kërcënoi me armë. 

Sipas Protothemës, siç është regjistruar në video dokumentin nga kamerat e sigurisë së dyqanit, viktima dyshohet se ka rezistuar dhe për pasojë sulmuesi 27-vjeçar me origjinë shqiptare e ka qëlluar me plumb në kokë.

Dy persona të përfshirë në ngjarje kanë dalë sot para gjykatës, 27-vjeçari shqiptar që akuzohet se ka tërhequr këmbëzën dhe bashkëpunëtori i tij grek 37-vjeçar që dyshohet se priste jashtë dyqanit në momentin e grabitjes. 27-vjeçari shqiptar ka deklaruar fillimisht se “nuk kishte ndërmend ta vriste Marion dhe pohoi se nuk e dinte se arma që mbante kishte plumba në të.

“Unë nuk kam shkuar për të vrarë, kam shkuar vetëm për të grabitur. Isha i dehur dhe i droguar”, tha ai. I pandehuri i dytë u shpreh se është i pafajshëm dhe se nuk ka pasur kontakt dhe nuk ka qenë prezent në momentin e vrasjes pasi ndodhej jashtë.

Tronditëse ishte dëshmia e nënës së viktimës 44-vjeçare, e cila e përlotur përshkroi momentin kur i thanë se djali i saj i vetëm ishte plagosur rëndë dhe sesi mësoi se ai më në fund kishte ndërruar jetë. Tula më pas iu referua momentit kur pronari i biznesit e telefonoi për t'i thënë se djali i saj ishte plagosur dhe se si ajo mësoi përfundimisht se fëmija i saj kishte vdekur përpara se ajo të mund të shkonte në spital për ta parë atë.

arrestohet shqiptari ne greqi policia greke

Sondazh

Poll

MË SHUMË