Politike

Berisha: Do të depozitojmë në Parlament ligjin për mos njohje të parashkrimit për kryeministrat

Sipas tij me këtë ligj asnjë politikan nuk do të mund të shpëtojë dot nga verdikti i drejtësisë.

24 Shtator 2022, 12:35 Nga e.k
Berisha: Do të depozitojmë në Parlament ligjin për mos
Sali Berisha

TIRANË- Kryedemokrati Sali Berisha, në një bashkëbisedim online me qytetarët, ka deklaruar se PD do të dorëzojë në Kuvend ligjin për mos parashkrimin për çdo kryeministër që ka qenë në krye të shtetit që pas rrëzimit të komunizmit e deri në vitin 2040.

Sipas tij me këtë ligj asnjë politikan nuk do të mund të shpëtojë dot nga verdikti i drejtësisë.

Sali Berisha: Sot gjykatat janë një degë e ekzekutivit. Problemi i PD është Rama dhe pa zgjidhur problemin me të nuk zgjidhim dot të tjera, ndaj kemi vendosur që këtë vjeshtë ta kthejmë në pranverën e protestave kungër Ramës. Këto kohë ne do të depozitojmë në Parlament ligjin me të cilin nuk do të njihet parashkrimi për asnjë kryeministër nga 1992 deri në 2040. Me këtë ligj ju garantoj se nuk do të shpëtojë nga verdikti i drejtësisë, jo kjo drejtësi që është vegël e verbër në duart e PS e cila pikërisht se është e tillë rezulton para një jave, insitucioni më i korruptuar i Shqipërisë, një drejtësi që do të zbatojë ligjin e do të japë ndëshkime të merituara. Ndaj si Inceneratorët e çdo aferë tjetër si Butrinti apo Porti i Durrësit do të marrin përgjigjen e merituar

sali berisha

Sondazh

Poll

MË SHUMË