Aktualitet

Fati i Ervis Martinajt, Klodiana Lala: Kontakti i fundit ishte me Vlorën, anëtarin e grupit kriminal që u ka shpëtuar dy atentateve

Lala shtoi ndër të tjera se nuk di të thotë nëse Martinaj ka qenë fizikisht në Vlorë apo kontaktet i ka bërë me telefon. 

20 Shtator 2022, 23:08 Nga F.M
Fati i Ervis Martinajt, Klodiana Lala: Kontakti i fundit ishte me Vlorën,
Klodiana Lala

TIRANË- Gazetarja Klodiana Lala është shprehur se kontakti i fundit i të shumëkërkuarit Ervis Martinaj ka qenë Vlora. E ftuar në "Opinion", Lala tha se Martinaj ka kontaktuar me një person që është pjesë e një grupi kriminal dhe që u ka shpëtuar dy atentateve. Lala shtoi ndër të tjera se nuk di të thotë nëse Martinaj ka qenë fizikisht në Vlorë apo kontaktet i ka bërë me telefon. 

"Është identifikuar personi që ka pasur kontaktin e fundit me të. Është pjesëtari i një grupi kriminal që iu ka mbijetuar dy atentateve. Kontakti ka qenë në Vlorë, por nuk di të them nëse ka qenë fizikisht aty po ajo,"- tha Lala. 

Ervis Martinaj ishte shpallur në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte ofruar një ‘çek të bardhë’ në këmbim të ‘kokës’ së Indrit Dokles. Por, në 9 gusht, ai u zhduk pa gjurmë. Alarmin e ngritën familjarët e Martinajt dhe tashmë prokuroria po heton për rrëmbim personi dhe inskenim. Lidhur me këtë çështje, ka pasur edhe reagime nga kryeministri Edi Rama. Ai paralajmëroi edhe zhvillime, duke u shprehur se Policia e ka një përgjigje, por shumë shpejt do dalë me prova.

klodiana lala ervis martinaj zhduket ervis martinaj

Sondazh

Poll

MË SHUMË