Aktualitet

Talo Çela me Ervin Matën? Artan Hoxha: Informacioni duhet verifikuar, të hapen kamerat e hotelit

Hoxha tha se në hotelin ku thuhet se është bërë takimi mes tyre ka kamera sigurie e se kjo gjë mund të verifikohet përmes tyre. 

19 Shtator 2022, 23:21 Nga F.M
Talo Çela me Ervin Matën? Artan Hoxha: Informacioni duhet
Gazetari Artan Hoxha

TIRANË- Gazetari Artan Hoxha tha se informacionet e dala nga e mailet e ish-drejtorit të policisë duhen verifikuar. I ftuar në emisionin “Opinion”, Hoxha tha se këto informacione kanë dalë nga komunikimet e brendshme të  strukturave të policisë dhe në parim ky nuk është një informacion 100% i vërtetë. Referuar takimit të të të shumëkërkuarit Talo Çela me një tjetër personazh, si Ervin Mata, Hoxha tha se në hotelin ku thuhet se është bërë takimi mes tyre ka kamera sigurie e se kjo gjë mund të verifikohet përmes tyre. 

“Policia e Shtetit ka disa sisteme që i përdor për komunikimin e vet, për marrjen e të dhënave dhe për kalimin e të dhënave nga një nivel i policisë tek tjetri. Ata kanë thyer sistemin e komunikimit të brendshëm, nga ato të dhëna që unë kam parë deri tani. Po marr rastin e parë. Bëhet fjalë për Talo Çelën. Në e -mailin që është publikuar bëhet fjalë për gushtin e vitit të kaluar. Ai është informacion që i shkon një drejtuesi të lartë të policisë por nuk është 100% i vërtetë. Mbi atë informacion policia bën verifikim. Ai thuhet se ka shkuar në një hotel që ka takuar Ervin Matën, kjo na çon në ngjarje të tjera, tek ngjarja e bllokut.  Policia pasi ka marr informacioni duhet ta çojë në instancat e duhura për të bërë verifikimin. Ai thuhet që ka shkuar në hotel Viktoria. Në hotel Viktoria ka kamera sigurie, është një ambjent i kontrolluar mirë dhe futet në ambjentet e sigurta. Këto janë informacione që duhen verifikuar,"- tha Hoxha.

artan hoxha ervis mata talo cela dosjet sekrete te policise

Sondazh

Poll

MË SHUMË