Bota

Kriza e ushqimeve, 165 anije të ngarkuara me 3.7 milionë ton produkte bujqësore kanë dalë nga Ukraina

Ministria tha se 10 anije me 169,300 ton produkte bujqësore do të largohen nga portet ukrainase të Detit të Zi të dielën.

18 Shtator 2022, 15:52 Nga d.a
Kriza e ushqimeve, 165 anije të ngarkuara me 3.7 milionë ton produkte
gruri ukraineas

UKRAINË- Një total prej 165 anijesh me 3.7 milion ton produkte bujqësore në bord janë larguar nga Ukraina sipas një marrëveshjeje të ndërmjetësuar nga Kombet e Bashkuara dhe Turqia për të zhbllokuar portet detare të Ukrainës, tha të dielën ministria e infrastrukturës ukrainase.

Sipas Reuters, Ministria tha se 10 anije me 169,300 ton produkte bujqësore do të largohen nga portet ukrainase të Detit të Zi të dielën.

“Në orën 10:00, 8 anije u larguan nga portet e Odesës së Madhe dhe 2 të tjera janë në pritje të radhës dhe kushteve të favorshme”, tha ministria në një deklaratë.

Eksportet e drithërave të Ukrainës ranë pasi Rusia pushtoi vendin më 24 shkurt dhe bllokoi portet e saj në Detin e Zi, duke rritur çmimet globale të ushqimit dhe duke shkaktuar frikë nga mungesa në Afrikë dhe Lindjen e Mesme.

Ukraina, një prodhues dhe eksportues i madh global i drithërave, dërgoi deri në 6 milionë tonë drithë në muaj para luftës. Tre porte të Detit të Zi u rihapën sipas një marrëveshjeje të nënshkruar më 22 korrik nga Moska dhe Kievi dhe ministria ka thënë se këto porte janë në gjendje të ngarkojnë dhe dërgojnë jashtë vendit 100-150 anije mallrash në muaj.

gruri ukrainas marreveshja ukraine-rusi

Sondazh

Poll

MË SHUMË