Bota

Putin: Kirgistani dhe Taxhikistani ta zgjidhin situatën me mjete paqësore, politike dhe diplomatike

Putin pati biseda telefonike me liderët e Kirgistanit dhe Taxhikistanit ku thuhet se i ka kërkuar të dy palëve që të zgjidhin situatën në mënyrë paqësore.

18 Shtator 2022, 15:00 Nga d.a.
Putin: Kirgistani dhe Taxhikistani ta zgjidhin situatën me mjete
Putin

RUSI-Presidenti rus Vladimir Putin i bëri thirrje Kirgistanit dhe Taxhikistanit që të de-përshkallëzohen pas konflikteve të reja në kufirin e këtyre dy vendeve të Azisë Qendrore, njoftoi Kremlini.

Sipas Reuters, Putin pati biseda telefonike me liderët e Kirgistanit dhe Taxhikistanit ku thuhet se i ka kërkuar të dy palëve që të zgjidhin situatën në mënyrë paqësore.

“Vladimir Putin u bëri thirrje të dyja palëve që të parandalojnë përshkallëzimin e mëtejshëm dhe të marrin masa sa më shpejt të jetë e mundur për të zgjidhur situatën ekskluzivisht me mjete paqësore, politike dhe diplomatike”, tha Kremlini.

Ata shtojnë se Putini ka konfirmuar gatishmërinë e Rusisë për të ofruar ndihmën e nevojshme për të siguruar stabilitet në rajonin kufitar të këtyre dy vendeve.

Konfliktet në kufirin midis Taxhikistanit dhe Kirgistanit shpërthejnë pothuajse rregullisht dhe pothuajse gjysma e kufirit të përbashkët prej 970 kilometrash është diskutuar që nga rënia e Bashkimit Sovjetik.

vladimir putin perleshje mes kirgistanit dhe taxhikista

Sondazh

Poll

MË SHUMË