Bota

Sanksionet e SHBA përfshijnë në listë dhe familjen e liderit çeçen Ramzan Kadyrov

Sanksionet e reja synojnë 22 individë dhe dy subjekte që Departamenti i Thesarit tha se avancuan qëllimet e Moskës në Ukrainë para dhe pasi Rusia nisi një pushtim ndaj fqinjit të saj.

16 Shtator 2022, 09:28 Nga d.a.
Sanksionet e SHBA përfshijnë në listë dhe familjen e liderit
Ramzan Kadyrov

SHBA- Më 15 shtator, Departamenti Amerikan i Thesarit shtoi në listën e sanksioneve zyrtarë të lartë financiarë rusë, të afërm të liderit çeçen Ramzan Kadyrov dhe një zyrtar rus për të drejtat e fëmijëve.

Sanksionet e reja synojnë 22 individë dhe dy subjekte që Departamenti i Thesarit tha se avancuan qëllimet e Moskës në Ukrainë para dhe pasi Rusia nisi një pushtim ndaj fqinjit të saj.

Tre gratë e Kadyrov dhe tre vajzat e tij të rritura janë në listë. Masa shtesë u vendosën edhe ndaj liderit çeçen, i cili është nën sanksionet e SHBA-së që nga dhjetori 2017.

Kadyrov u promovua në gradën e gjenerallejtënant për rolin e tij në luftën e Rusisë kundër Ukrainës që filloi në shkurt, tha Ministria e Financave.

Sekretarja e Thesarit e SHBA-së, Janet Yellen tha në një deklaratë se ndërsa Ukraina "po bën përparim në mbrojtjen e lirisë së saj", qeveria amerikane "po ndërmerr hapa për të pakësuar më tej aftësinë e Rusisë për të rindërtuar ushtrinë e saj, për të mbajtur përgjegjës autorët e dhunës dhe për të izoluar më tej financiarisht ( Presidenti rus Vladimir) Putin”.

Sanksionet e reja synojnë krerët e institucioneve kryesore financiare ruse, duke përfshirë Sistemin Kombëtar të Kartave të Pagesave (NSPK), i cili operon rrjetin e pagesave Mir, dhe Agjencinë e Sigurimit të Depozitave.

Thesari gjithashtu futi në listën e zezë Maria Alekseevna Lvova-Belova, komisioneren për të drejtat e fëmijëve.

Ministria e Financave tha se Lviv-Belova mbikëqyri deportimin e "mijëra" fëmijëve ukrainas në Rusi.

Në listën e zezë është "Task Force Rusich", i përcaktuar si një grup paraushtarak neo-nazist i lidhur me grupin Wagner. Ajo akuzohet se ka marrë pjesë në luftime përkrah forcave ruse në Ukrainë, veçanërisht afër Kharkiv, në verilindje.

Këto sanksione ngrijnë asetet nën juridiksionin e SHBA dhe gjithashtu ndalojnë individët dhe kompanitë amerikane - duke përfshirë bankat ndërkombëtare që operojnë në SHBA - të bëjnë biznes me individë të listës së zezë.

Në të njëjtën kohë, Departamenti Amerikan i Tregtisë ndaloi eksportin e pajisjeve dhe softuerëve në Rusi dhe Bjellorusi.

Departamenti i Thesarit tha se masa do të minonte aftësinë e Moskës për të rindërtuar ushtrinë e saj pas humbjeve të rënda në luftën e vazhdueshme në Ukrainë.

Rusia nisi një pushtim të Ukrainës fqinje më 24 shkurt. Për të reduktuar aftësinë ushtarake të Rusisë, vendet perëndimore vendosën një sërë sanksionesh ekonomike ndaj saj./REL/

ramzan kadyrov sanksionet e shba ndaj rusise

Sondazh

Poll

MË SHUMË