Politike

Reforma Territoriale/ Berisha mbledh nesër grupin parlamentar të PD, demokratët i lajmëron Luçiano Boçi

Në mesazh sqarohet se në rend dite është prezantimi i propozimit dhe të raportit të reformës territoriale nga grupi i punës dhe propozime konkrete nga deputetët për qarqet që ata përfaqësojnë.

13 Shtator 2022, 18:22 Nga k.m.
Reforma Territoriale/ Berisha mbledh nesër grupin parlamentar të PD,
Selia e PD

TIRANË- Deputeti i Partisë Demokratike Luçiano Boçi u ka dërguar sot të gjithë kolegëve të tij një mesazh, ku bëhej me dije se ditën e nesërme do të mbahet mbledhja e grupit parlamentar në sallën e deputetëve tek selia e PD-së. Në mesazh sqarohet se në rend dite është prezantimi i propozimit dhe të raportit të reformës territoriale nga grupi i punës dhe propozime konkrete nga deputetët për qarqet që ata përfaqësojnë.

Mesazhi:

Ju përshëndes! Nesër datë 14 shtator, ora 12.00, PD zhvillon mbledhjen e grupit parlamentar në sallën e deputetëve tek selia e PD-së, me këtë rend dite: -Prezantimin e propozimit dhe të raportit të reformës territoriale nga grupi i punës. -Propozime konkrete nga deputetët për qarqet e tyre. -Të tjera Falenderime!

Ndërkohë që më pas, ka ardhur dhe një njoftim zyrtar për takimin që do të nisë në orën 12:00 në grupin e zyrës së shtypit të demokratëve. 

NJOFTIM PËR SHTYP

Nesër, e mërkurë, 14 shtator, ora 12.00, Partia Demokratike zhvillon mbledhjen e grupit parlamentar në sallën e deputetëve në selinë e PD-së, me këtë rend dite: -Prezantimin e propozimit dhe të raportit të Reformës Territoriale nga grupi i punës; -Propozime konkrete nga deputetët për qarqet e tyre.

Sot ka pasur sërish replika lidhur me reformën territoriale. Kreu i grupit parlamentar të PS, Taulant Balla, tha se ai i qëndron ndarjes aktuale me 61 bashki, ndërsa grupi i deputetëve të Partisë Demokratike që mbështesin Enkelejd Alibeajn propozuan hartë të re me 92 bashki dhe 6 rajone. 

luçiano boçi pd reforma territoriale 2022

Sondazh

Poll

MË SHUMË