Aktualitet

Pezullohen dy nënkomisarët në Elbasan, firmosën deklaratën e të kërkuarit dhe e liruan

Ata dyshohet se nuk i kanë zbatuar procedurat standarde për ndalimin e një shtetasi në kërkim policor.

12 Shtator 2022, 20:06 Nga k.m.
Pezullohen dy nënkomisarët në Elbasan, firmosën
Foto ilustruese

ELBASAN- 2  nënkomisarë të Policisë së Elbasanit janë pezulluar nga detyra pasi akuzohen se kanë lënë t'u ikë nga "duart" një i shumëkërkuar nga Policia. Agjencia e Mbikqyrjes Policore ka bërë me dije se nga detyra janë pezulluar nënkomisari Ulian Shpataraku, 37 vjeç, me detyrë Shef i Seksionit të Trafiqeve të Paligjshme dhe Narkotikëve dhe nënkomisarja Sovjona Kapllanaj, 45 vjeçe, me detyrë Specialiste pranë Seksionit të Trafiqeve të Paligjshme dhe Narkotikëve. 

Burime për Dosja.al bëjnë me dije se personi i ndaluar nga Policia e Elbasanit është Endrit Filja. Ky i fundit është arrestuar nga pikërisht Ulian Shpataraku dhe më pas është shoqëruar në Komisariatin e Elbasanit. Aty Shpataraku ka marrë një deklaratë nga i shoqëruari në emër të specialistes Sovjona Kapllanaj, e cila ka firmosur pa ditur çfarë përmbante deklarata e tij. Kur në fakt, Filja ishte në kërkim për përshtatjen e lokalit për përdorim droge, neni 285/a i kodit të procedurës penale, e cila dënohet deri në 5 vite.

Po ashtu, bëhet me dije se pasi kanë marrë dëshminë Filjas, asnjë nga dy efektivët nuk e kanë njoftuar Prokurorinë, e cila kishte dosjen e këtij personi të kërkuar. Po ashtu, nuk e kishin raportuar as në regjistrin e personave që hyjnë në Drejtorinë e Policisë dhe as në regjistrin e të shoqëruarve. Gjë që mund t'u kushtojë edhe detyrën. 

NJOFTIMI I PLOTË:

Elbasan - Drejtoria Rajonale e AMP Elbasan ka ekzekutuar vendimin penal dhënë nga Gjykata e Shkallës së Parë Elbasan, datë 11.09.2022, për caktimin e masës së sigurimit personal me karakter ndalues “Pezullim i ushtrimit të një detyre a shërbimi publik” në ngarkim të punonjësve të policisë: – Nënkomisar U.SH, 37 vjeç, me detyrë Shef i Seksionit të Trafiqeve të Paligjshme dhe Narkotikëve në DVP Elbasan; – Nënkomisare S.K., 45 vjeçe, me detyrë Specialiste pranë Seksionit të Trafiqeve të Paligjshme dhe Narkotikëve në DVP Elbasan. 

Ata janë pezulluar në kuadër të procedimit penal nr.1200, viti 2022, të Prokurorisë së Rrethit Gjyqësor Elbasan, i ndjekur nga AMP Elbasan nën drejtimin e kësaj Prokurorie. Dyshohet se në shpërdorim të detyrës, këta punonjës policie nuk kanë zbatuar procedurat standarde për ndalimin e një shtetasi në kërkim policor. AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90.

Dje, Forcat 'Shqiponja' zhvilluan një operacion në qytetin e Elbasanit së bashku me Policinë e këtij qyteti, ku edhe zbarkuan në lagjen "Syrja Dylgjeri". U bë me dije se po kërkohej për një emër konkret, por ende as sot nuk është mësuar se për kë bëhej fjalë. Por duket se me ndihmën e "të infiltruarve" të tij në Polici, ia doli që t'i shpëtonte operacionit. Problemin e dekonspirimit të operacioneve e ngriti për herë të fundit ish-kryepolici Gledis Nano, për të cilin pati një koment edhe nga ministri i Brendshëm, Bledi Çuçi. Ky i fundit paralajmëroi hetime, ku sipas tij, do të përfshihej edhe vetë Nano. 

pezullohen nenkomisaret ne elbasan elbasan ulian shpataraku sovjona kapllanaj endrit filja

Sondazh

Poll

MË SHUMË