Bota

Nga Joe Biden te Macron, cilët do të jenë liderët botërorë që do marrin pjesë në funeralin e mbretëreshës

Homazhet për sovranin kanë vërshuar nga e gjithë bota, duke përfshirë Biden, i cili e përshkroi atë si një "grua shteti me dinjitet dhe qëndrueshmëri të pakrahasueshme". Duke folur me gazetarët teksa hipi në Air Force One të premten, presidenti tha se ka në plan të marrë pjesë në funeralin, por nuk e di se çfarë janë ende detajet.

10 Shtator 2022, 08:55 Nga d.a.

Nga Joe Biden te Macron, cilët do të jenë liderët

Mbreteresha Elizabeth dhe Biden

BRITANI- Presidenti i SHBA Joe Biden ka konfirmuar se po planifikon të marrë pjesë në funeralin e Mbretëreshës kur ai të zhvillohet në Mbretërinë e Bashkuar.

Sipas Skynews, homazhet për sovranin kanë vërshuar nga e gjithë bota, duke përfshirë Biden, i cili e përshkroi atë si një "grua shteti me dinjitet dhe qëndrueshmëri të pakrahasueshme". Duke folur me gazetarët teksa hipi në Air Force One të premten, presidenti tha se ka në plan të marrë pjesë në funeralin, por nuk e di se çfarë janë ende detajet.

Ndërsa ende nuk janë bërë të ditura plane zyrtare për funeralin e Madhërisë së Saj, ceremonia pritet të zhvillohet brenda 10 ditëve pas vdekjes së saj. Monarkja 96-vjeçare vdiq të enjten në shtëpinë e saj në Balmoral, Skoci, e rrethuar nga anëtarët e familjes mbretërore.

Ndërsa presidenti ka angazhuar pjesëmarrjen e tij në funeralin e monarkut, liderët e tjerë botërorë nuk kanë qenë aq të afërt. Nuk duket se presidenti rus Vladimir Putin do të shfaqet në ceremoni, me një zëdhënës të lartë të Kremlinit duke thënë se Mbretëresha nuk ka "zënë vend në zemrat e rusëve".

Pas lajmit për vdekjen e saj, Putin i dërgoi mbretit Charles një telegram duke i ofruar ngushëllimet e tij dhe duke i uruar atij "guxim dhe këmbëngulje" përballë "humbjes së tij të pariparueshme".

Në Turqi, presidenti Rexhep Taip Erdogan tha se do të dëshironte të merrte pjesë në funeralin e Madhërisë së Saj, me kusht që ta lejonte plani i tij. Ai u tha gazetarëve se e njihte mbretëreshën, pasi e kishte takuar dy herë në Pallatin Buckingham dhe i ka dërguar ngushëllimet më të thella familjes mbretërore.

“Nëse gjejmë mundësinë, do të donim të ishim të pranishëm në këtë ceremoni”, tha Erdogan.

Një person që pritet të marrë pjesë në funeralin e Mbretëreshës është Emmanuel Macron. Presidenti francez shprehu "trishtim të thellë" dhe një ndjenjë "zbrazëtie" pas vdekjes së monarkut dhe vlerësoi "dashurinë e saj të madhe për Francën".

Perandori i Japonisë Naruhito po planifikon të marrë pjesë në funeralin dhe ai mund të shoqërohet nga kryeministri Fumio Kishida, kanë raportuar mediat japoneze. Do të ishte udhëtimi i parë i perandorit jashtë shtetit që nga hyrja në fron në maj 2019.

Perandoresha Masako gjithashtu ka shprehur dëshirën për të marrë pjesë dhe qeveria japoneze po organizon udhëtimin e tyre, thanë të premten NTV, TBS dhe media të tjera, duke cituar burime qeveritare.

vdes mbreteresha elisabeth ii joe biden vladimir putin