Bota

Pas takimit me Lajçak, Kurti: Finalja e dialogut Kosovë-Serbi të jetë njohja reciproke

Zyra për Media e Kryeministrisë njofton se në këtë takim Kurti ka theksuar se Kosova ka treguar vullnet dhe gatishmëri për t’u angazhuar në një dialog parimor dhe të përgatitur mirë.

9 Shtator 2022, 13:15 Nga d.a.
Pas takimit me Lajçak, Kurti: Finalja e dialogut Kosovë-Serbi
Bonne, Plotner, Lajcak dhe Kurti

KOSOVË- Kryeministri i Kosovës, Albin Kurti, ka pritur sot në Prishtinë të dërguarin special për dialogun me Serbinë, Miroslav Lajcak, bashkë me dy këshilltarët e Scholz dhe Macron, Emmanuel Bonne dhe Jens Plotner.

Zyra për Media e Kryeministrisë njofton se në këtë takim Kurti ka theksuar se Kosova ka treguar vullnet dhe gatishmëri për t’u angazhuar në një dialog parimor dhe të përgatitur mirë.

“Gjatë takimit u bisedua për nevojën e përpjekjeve edhe më të fuqishme nga të gjithë akterët që perspektiva evropiane të bëhet realitet për shtetet e Ballkanit Perëndimor”, thuhet në njoftimin e ZKM-së.

Kurti ka ripërsëritur se finalja e dialogut duhet të jetë përfituese për qytetarët e dyja vendeve dhe që të përmbaje njohjen reciproke në qendër.

Kancelari gjerman, Olaf Scholz, dhe presidenti francez, Emmanuel Macron, njoftuan të shtunën se kanë angazhuar këshilltarët e tyre për të mbështetur dialogun për normalizimin e marrëdhënieve midis Kosovës dhe Serbisë. Në një letër dërguar Kurtit dhe Vuçiçit, dy udhëheqësit kryesorë të BE-së u bënë thirrje atyre që të tregojnë vendosmëri dhe gatishmëri maksimale për të marrë vendime të vështira, të cilat do të sjellin përparim në dialog.

miroslav lajçak ne kosove

Sondazh

Poll

MË SHUMË