Bota

"Australia duhet të bëhet republikë", kryetari i Partisë së Gjelbër thirrje për ndryshim pas vdekjes së Mbretëreshës

Senatorja tjetër e të Gjelbërve, Mehreen Faruqi gjithashtu bëri thirrje që një republikë të avancohej, por shkoi më tej, duke thënë se ajo "nuk mund të vajtojë liderin e një perandorie raciste".

9 Shtator 2022, 11:52 Nga d.a.

"Australia duhet të bëhet republikë", kryetari i

AUSTRALI- Vdekja e mbretëreshës Elizabeth ka rindezur menjëherë diskutimin për një republikë australiane, me liderin e të Gjelbërve, Adam Bandt, që përdori një mesazh ngushëllimi për monarken britanik për të nxitur përsëri ndryshimin kushtetues.

“Pusho në paqe Mbretëresha Elizabeth II. Mendimet tona janë me familjen e saj dhe të gjithë ata që e donin.Tani Australia duhet të ecë përpara. Ne kemi nevojë për Traktat me popullin e Kombeve të Parë dhe duhet të bëhemi Republikë.”-shkroi ai në Twitter.

Sipas Guardian, Bandt u përshkrua si "injorant" dhe "i pahir" nga një ish-ministër i Koalicionit për komentet e tij. por senatorja tjetër e të Gjelbërve, Mehreen Faruqi gjithashtu bëri thirrje që një republikë të avancohej, por shkoi më tej, duke thënë se ajo "nuk mund të vajtojë liderin e një perandorie raciste".

Kryeministri australian, Anthony Albanese, është një mbështetës prej kohësh i kthimit të Australisë në republikë, por nuk pranoi të prononcohej dhe të fliste për deklarata të tilla mëngjesin e sotëm, ndërsa lajmi për vdekjen e monarkut jehoi në mbarë botën.

"Sot nuk është një ditë për politikë. Sot është një ditë për të nderuar shërbimin e Mbretëreshës Elizabeth si kreu i shtetit tonë gjatë këtyre 70 viteve dhe për të falënderuar përkushtimin e saj dhe kontributin e saj në Australi. Unë e konsideroj Mbretëreshën si dikë që është i denjë për respekt nga çdo australian”.- tha Albanese.

Qeveria federale laburiste kishte paralajmëruar tashmë synimin e saj për të mbajtur një referendum mbi një republikë nëse zgjidhet për një mandat të dytë, me kryeministrin që më parë krijoi pozicionin e ri të ndihmës ministrit për republikën për Matt Thistlethwaite. Përkrahësit e Australisë për republikë në parlament kanë pranuar prej kohësh se ndonjë ndryshim nuk ka gjasa ndërsa Mbretëresha Elizabeth mbeti si kreu i shtetit.

vdes mbreteresha elisabeth ii adam bandt anthony albanese

Sondazh

Poll

MË SHUMË