Bota

Gazeta serbe: Abazoviç i kërkoi Vuçiçit që Serbia të blejë asetet ruse në Malin e Zi për ti shpëtuar nga sanksionet

Krahas ndihmave për energji elektrike dhe ushqime, kryeministri malazez në mandatin e tij teknik i ka kërkuar Vuçiçit që Serbia të bëjv blerjen e Kombinatit Aluminijski, të cilin, siç duket, Vuçiç ia ka premtuar.

3 Shtator 2022, 12:46 Nga d.a.
Gazeta serbe: Abazoviç i kërkoi Vuçiçit që Serbia
Abazovic dhe Vucic

SERBI- Kryeministri në detyrë i Malit të Zi Dritan Abazoviç mori pjesë në nismën e Samitit të Ballkanit të Hapur, i cili u mbajt nga 1 deri më 4 shtator në Beograd. Mikpritës dhe kryetar i Samitit ishte presidenti i Serbisë, Aleksandër Vuçiç.

Sipas Danas, krahas ndihmave për energji elektrike dhe ushqime, kryeministri malazez në mandatin e tij teknik i ka kërkuar Vuçiçit që Serbia të bëjv blerjen e Kombinatit Aluminijski, të cilin, siç duket, Vuçiç ia ka premtuar.

Televizioni i qytetit ka mësuar se Abazovic ka pasur disa kërkesa politike gjatë mandatit të tij teknik. Para së gjithash, ai kërkoi nga presidenti i shtetit fqinj që të ushtrojë presion mbi Frontin Demokratik, në mënyrë që grupi politik prorus të marrë pjesë në formimin e një qeverie të re, në krye me presidentin e URA.

Në rast se nënshkruesit e tjerë të marrëveshjes së djeshme, të palëve fituese në zgjedhjet e 2020 nuk e pranojnë atë, kryeministri në mandatin teknik Abazoviç i ka kërkuar Vuçiçit që të sigurojë që ai të marrë pozitën e koordinatorit të të gjitha shërbimeve të sigurisë në qeveria e ardhshme.

Gjatë takimit në Beograd, Abazoviç dhe Vuçiç diskutuan një çështje tjetër shumë të rëndësishme për Serbinë dhe Rusinë: si të ndihmohet Rusia të ruajë asetet e saj në Malin e Zi, i cili, për shkak të agresionit rus kundër Ukrainës, është nën sanksionet perëndimore.

Në këtë kuptim, u ra dakord që Serbia përmes manjatëve të saj të blejë në mënyrë fiktive të gjitha hotelet malazeze në pronësi të rusëve, mëson City Televizion. Në këtë mënyrë Rusia do të ruante një pjesë të pronës së saj në Mal të Zi. Duket se Abazoviç i shpjegoi Vuçiçit se "deri më tani ai ka arritur të sigurojë që kapitali rus në Mal të Zi të mos shkojë dëm".

Gjatë konferencës së përbashkët për shtyp, i ftuari i Samitit, kryeministri i Malit të Zi, tha se vizitën e tij në Beograd e shfrytëzoi për të biseduar me pjesëmarrësit “për tema më serioze, për problemet e mëdha të të gjitha vendeve që kanë të bëjnë me vjeshta dhe dimri shumë i paparashikueshëm, ndoshta edhe pranvera 2023”.

Në përpjekje për të shpëtuar vendin nga telashet e ardhshme, kryeministri në mandatin e tij teknik njoftoi se në vend që të anëtarësohej në BE, do ta sillte Malin e Zi në Ballkanin e Hapur të Vuçiqit dhe Ramës.

Hapi i parë në këtë drejtim është njoftimi i djeshëm i kryeministrit në mandatin teknik Dritan Abazoviç se, megjithëse Mali i Zi nuk është ende zyrtarisht anëtar i Ballkanit të Hapur, ai do të delegojë përfaqësuesin e tij në Grupin e Krizave për sigurinë ushqimore dhe energjetike të asaj nisme.

 

dritan abazoviç alkesander vucic marrëdhëniet serbi-mali i zi

Sondazh

Poll

MË SHUMË