Aktualitet

Mjeku Edvin Prifti rikthehet të ushtrojë profesionin e kardiokirurgut

Vendimi është marrë nga Gjykata e Posaçme e cila ka vendosur që të rrëzojë masën e sigurisë së 'pezullimit nga detyra'. 

31 Gusht 2022, 11:24 Nga A.B
Mjeku Edvin Prifti rikthehet të ushtrojë profesionin e kardiokirurgut
Edvin Prifti

TIRANË- Mjeku i njohur kardiokirurg Edvin Prifti rikthehet të ushtrojë profesionin e tij 1 vit e 3 muaj pas pezullimit. Vendimi është marrë nga Gjykata e Posaçme e cila ka vendosur që të rrëzojë masën e sigurisë së 'pezullimit nga detyra'. 

Emri i Priftit doli në skenë fillimisht pas arrestimit të gjyqtares së Krujës, Enkelejda Hoxha. Ai doli në përgjime ku bisedonte me kryesekretaren e Gjykatës së Krujës, Manuela Mallakuçi për t'i operuar nënën jashtë radhë në këmbim të parave. Prifti u arrestua, më pas u lirua, por nuk është kthyer ende në detyrë. Madje së fundmi i është hapur edhe një dosje e re. Prifti është kallëzuar nga një person që pretendon se i ka lënë nënën të vdesë dhe nuk i ka dhënë mjekimin e nevojshëm pasi nuk ka marrë paratë që ka kërkuar.

Emri i Priftit doli dhe në aksionin për goditjen e grupit të trafikut të medikamenteve. Mes mjekëve, emrat deri më tani u kanë dalë Edvin Priftit, Aurel Vulës, Ilir Broqajt dhe Vladimir Peto. Biznesmenët nën hetim janë Aleksandër Gjoka dhe Ndue Pulaj.

edvin prifti

Sondazh

Poll