Aktualitet

Shpërthim me tritol në Krujë, lënda plasëse vendoset mbi çatinë e banesës së biznesmenit

Shpërthimi me lëndën plasëse ka ndodhur në orët e para të mëngjesit, në banesën e biznesmenit Altin Keqi.

28 Gusht 2022, 10:02 Nga A.B
Shpërthim me tritol në Krujë, lënda plasëse vendoset
Foto ilustruese

KRUJË- Lëndë plasëse është hedhur nga disa persona mbi çatinë e një banese në lagjen 'Borati'. Forcat blu njoftojnë se shpërthimi me lëndën plasëse ka ndodhur në orët e para të mëngjesit, në banesën e biznesmenit Altin Keqi. Si pasojë e shpërthimit ka vetëm dëme të vogla materiale.

Keqi rezulton të jetë pronar i dy serviseve celularësh në zonë. Nuk dihet nëse sulmi është kryer nga konfliktet e mëparshme që mund të ketë pasur biznesmeni apo është kryer si mesazh për shkak të konkurencës.

Keqi nuk njihet si person problematik në zonë dhe sipas deklaratave pas ngjarjes rezulton se nuk ka  konflikte të hapura me ndokënd. Dyshohet se ngjarja është produkt i një paralajmërimi ndaj tij për shkak të aktivitetit që ushtron në fushën e shërbimeve. Ai zotëron dy dyqane servisi për telefonat celularë, në Krujë dhe në Fushë Krujë.

Grupi hetimor nën drejtimin e Prokurorisë së Rrethit Gjyqësor Krujë po punon për sqarimin e rrethanave të ngjarjes, identifikimin dhe kapjen e autorit/ëve.

NJOFTIMI I POLICISË:

Gjatë orëve të para të mëngjesit, në çatinë e banesës së shtetasit A. K., në lagjen “Borati”, Krujë, dyshohet se kanë hedhur dhe ka shpërthyer një sasi e vogël lënde plasëse. Si pasojë e shpërthimit ka vetëm dëme të vogla materiale. Grupi hetimor nën drejtimin e Prokurorisë së Rrethit Gjyqësor Krujë po punon për sqarimin e rrethanave të ngjarjes, identifikimin dhe kapjen e autorit/ëve. Materialet i kaluan Prokurorisë, për veprime të mëtejshme.

tritol ne kruje tritol altin keqi

Sondazh

Poll

MË SHUMË