Aktualitet

Drift dhe gara që ngrinin Astirin në këmbë, policia ‘djeg’ pronarët e mjeteve luksoze (Video)

10 Gusht 2019, 15:50 Nga DOSJA
Drift dhe gara që ngrinin Astirin në këmbë, policia

TIRANË– Dymbëdhjetë drejtues mjetesh janë tashmë pa leje drejtimi dhe shtatë të tjerë janë proceduar për shkak se kanë shkelur rregullat e qarkullimisht rrugor. Dosja.al mëson nga burime zyrtare se polciia ka pasur nën vëzhgim zonën e Astirit pas ankesave të disa qytetarëve se makina të shumta bënin gara dhe krijonin zhurmë.

Si pasojë e vëzhgimit është vënë re se automjete të ndryshme luksoze e sportive si Mercedez, BMW, etj, të modifikuara me sisteme zhurmëshkarkuese bënin gara në këtë zonë duke shqetësuar gjithë zonën.

7 drejtues mjetesh që “garonin” me shpejtësi thuajse dyfishin e asaj të lejuar janë proceduar kurse për 12 të tjerëve u është hequr leja e drejtimit të automjeteve.

Njoftimi i policisë Tiranë

Në numrin 112, Komisariatin Dixhital apo në adresa të tjera  zyrtare të Policisë së Shtetit, ditët e fundit nga ana e banorëve të zonës së unazës së madhe, janë adresuar shqetësime dhe ankesa të shumta mbi zhurmat që shkaktohen nga automjetet kryesisht sportive, që nëpërmjet sistemeve zhurmëshkarkuese, shpejtësisë së madhe apo garave ndërmjet tyre.

Këto veprime të disa drejtuesve të mjeteve janë kthyer jo vetëm në shqetësim për banorët e zonës, por edhe një rrezik i shtuar për ngjarje rrugore që për shkak të mënyrës se si drejtohen dhe shpejtësisë së madhe, mund të jenë fatale për jetën dhe shëndetin e qytetarëve.

Me qëllim ndëshkimin e këtij fenomeni sa shqetësues aq edhe të rrezikshëm, si dhe parandalimin e aksidenteve, Policia Rrugore e kryeqytetit në bashkëpunim me sektorin e forcës së posaçme “Shqiponja” dhe “Shigjeta”, ka monitoruar dhe dokumentuar me agjentë civilë apo të uniformuar një sërë shkeljesh në këtë segment rrugor dhe ka proceduar e dërguar praktikat për gjykim në Organin Administrativ Shtetëror, pranë Drejtorisë Vendore të Policisë Tiranë, për 7 drejtues mjetesh që “garonin” me shpejtësi thuajse dyfishin e asaj të lejuar.

Për 12 drejtues mjetesh është bërë verifikimi me radar dhe tërheqja e lejes së drejtimit, pasi janë konstatuar duke qarkulluar mbi normat e lejuara, si dhe janë vendosur 67 masa të tjera administrative për shkelje të ndryshme gjatë veprimeve policore.

#ShpejtesiaeLarteVret#

(f.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet drift ne astir gara makinash gara ne tirane procedohen 7 shofere shpejtesi makinash drift ne astir gara makinash gara ne tirane procedohen 7 shofere shpejtesi makinash

Sondazh

Poll

MË SHUMË