Aktualitet

Favorizoi biznesin që shiste vezë të pakontrolluar, shpallet në kërkim drejtori i AKU në Shkodër (EMRI)

Në kuadër të operacionit policor të koduar 'Illegality', është zbuluar se një biznes prodhonte dhe shiste nën emërtimet e markave të tjera, produkte ushqimore, në këtë rast vezë, të pakontrolluar.

23 Gusht 2022, 12:54 Nga A.B
Favorizoi biznesin që shiste vezë të pakontrolluar, shpallet
Policia

SHKODËR- Drejtori i Autoritetit Kombëtar të Ushqimit në Shkodër është shpallur në kërkim nga policia. Gjekë Sokoli është në kërkim pasi sipas forcave blu, ka shpërdoruar detyrën duke mos evidentuar aktivitetet e paligjshme që kryheshin në zonë. Në kuadër të operacionit policor të koduar 'Illegality', është zbuluar se një biznes prodhonte dhe shiste nën emërtimet e markave të tjera, produkte ushqimore, në këtë rast vezë, të pakontrolluar. Për këtë, policia ka vënë në pranga 55-vjeçarin, Vitor Gjergjin.

NJOFTIMI I POLICISË;

Shkodër / Vijojnë kontrollet për goditjen e paligjshmërive në fushën e aktiviteteve tregtare të paregjistruara në organet kompetente, goditen 4 raste. Finalizohet nga Seksioni për Hetimin e Krimit Ekonomiko-Financiar në DVP Shkodër, operacioni policor i koduar “Illegality”. Prodhonte dhe shiste nën emërtimet e markave të tjera, produkte ushqimore (vezë) të pakontrolluara, në pularinë e paregjistruar, vihet në pranga 55-vjeçari. Gjithashtu, shpallet në kërkim një shtetas (Drejtori i AKU, Shkodër), si dhe procedohet në gjendje të lirë një tjetër (Inspektor pranë Drejtorisë Rajonale të Mjedisit, Shkodër), pasi dyshohet se, duke shpërdoruar detyrën, nuk kanë evidentuar aktivitetet e paligjshme të 55-vjeçarit. Në vijim të planit operacional, procedohen në gjendje të lirë 3 shtetas që administronin aktivitete tregtare të paregjistruara në organet kompetente.B Strukturat e Seksionit për Hetimin e Krimit Ekonomiko-Financiar në DVP Shkodër, në vijim të kontrolleve në disa subjekte tregtare, me qëllim evidentimin dhe goditjen e paligjshmërive, kanë organizuar dhe finalizuar operacionin policor të koduar “Illegality”, si rezultat i të cilit u arrestua në flagrancë shtetasi: -V. Gj. 55 vjeç, banues në fshatin Bërdicë, Shkodër, për veprat penale “Mashtrimi me produktet ushqimore”, “Shkelja e të drejtave të pronësisë industriale”, “Fshehja e të ardhurave” dhe “Ushtrimi i aktivitetit tregtar të paregjistruar në organet tatimore”, pasi gjatë kontrollit të ushtruar në vendin e quajtur “Bërdicë e Sipërme”, është konstatuar aktiviteti tregtar (pulari), në pronësi të këtij shtetasi, i paregjistruar në organet tatimore. Gjithashtu, u evidentua se 55-vjeçari prodhonte dhe shiste nën emërtimet e markave të tjera, produkte ushqimore (vezë) të pakontrolluara.

Në vijim, u referuan materialet, si dhe u shpall në kërkim shtetasi Gjeke Sokoli. , 55 vjeç , banues në Shkodër, me detyrë Drejtor i AKU, Shkodër, si dhe u referuan materialet për shtetasin A. B. 55 vjeç, banues në Koplik, Malësi e Madhe, me detyrë Inspektor pranë Drejtorisë Rajonale të Mjedisit Shkodër, për veprën penale “Shpërdorimi i detyrës”, pasi dyshohet se këta shtetas, duke shpërdoruar detyrën, nuk kanë evidentuar aktivitetet e paligjshme të 55-vjeçarit, si dhe e kanë favorizuar atë duke mos ushtruar kontrolle në aktivitetin në pronësi të shtetasit V. Gj. Gjithashtu u proceduan për veprat penale “Fshehja e të ardhurave” dhe “Ushtrimi i aktivitetit tregtar të paregjistruar në organet tatimore”, shtetasit: -A. D. 56 vjeçe dhe K. N. 30 vjeç, të dy banues në lagjen Ndoc Mazi, Shkodër dhe F. A. 45 vjeç, banues në lagjen “Vasil Shanto”, Shkodër, pasi këta shtetas ushtronin aktivitete përkatëse në fushën e hotelerisë, në Shkodër, të paregjistruar në organet tatimore. Materialet iu referuan Prokurorisë së Rrethit Gjyqësor Shkodër, për veprime të mëtejshme.

aku shkoder gjeke sokoli vitor gjergji

Sondazh

Poll

Aktualitet 23 Gusht 2022, 12:26 F.M

Artan Hoxha: Luiza Gegën e morën peng

Artan Hoxha TIRANË- Gazetari Artan Hoxha e konsideron pengmarrje të Luiza Gegës ceremoninë e nderimit të saj. Në një pos...

MË SHUMË