Aktualitet

Vrasja e dyfishtë në Panaja, Gledis Nano shkon në Komisariatin e Vlorës: Të mblidhet çdo provë

Mësohet se Nano, pas ngjarjes së djeshme do të kalojë në sitë të gjithë komisariatin e policisë së Vlorës.

19 Gusht 2022, 21:15 Nga I.A
Vrasja e dyfishtë në Panaja, Gledis Nano shkon në Komisariatin e
Gledis Nanao

VLORË- Drejtori i Përgjithshëm i Policisë Gledis Nano ka shkuar mbrëmjen e sotme në Komisariatin e Vlorës, pas vrasjes së dyfishtë ditën e djeshme në Panaja. Nano ka shkuar së bashku me zëvendës drejtorin për Krimet Neritan Nallbati.

Mësohet se Nano, pas ngjarjes së djeshme do të kalojë në sitë të gjithë komisariatin e policisë së Vlorës. Ende nuk ka asnjë reagim mbi këtë vizitë të Nanos në Vlorë, ndërkohë që mësohet se ai u ka kërkuar efektivëve që të angazhohet për të zgjidhur këtë çështje dhe të mbledhin çdo prove dhe informacion që çon në kapjen e autorëve.  

Çfarë ndodhi dje?

Ngjarja e rëndë ndodhi ditën e djeshme në mbikalimin e Panajasë në aksin Fier-Vlorë në orën 09:00 të mëngjesit. Lena e Xhezo po udhëtonin në një mjet të thjeshtë të llojit “Mercedes Benz” tip ‘B Class’ me targa AB 036ET, në momentin që atentatorët nisën t’i qëllonin me breshëri. Të hipur në një mjet “BMW” me targa italiane, autorët nisën të qëllonin nga pas mjetin e Lenës e Xhezos. Për 200 metra ata qëlluan me breshëri duke zbrazur të paktën 60 plumba kallashnikovi. Fillimisht i qëlluan nga mbrapa, më pas u dolën paralel dhe në fund goditën xhamin e parmë të makinës që siç duket ishte fatale për jetën e dy të rinjve.

gledis nanao neritan nallbati vrasje e dyfishte ne vlore

Sondazh

Poll

MË SHUMË