Bota

Drogë me vlerë $515.000, arrestohet 81-vjeçarja daneze në Poloni

Ajo po udhëtonte nga Afrika në Kanada, dhe kishte në valixhen e saj heroinë me vlerë mbi 515.000 dollarë, thanë zyrtarët në Poloni të premten.

19 Gusht 2022, 18:14 Nga e.k
Drogë me vlerë $515.000, arrestohet 81-vjeçarja daneze në
81-vjeçarja e arrestuar

POLONI- Një grua 81-vjeçare daneze u kap me heroinë në aeroportin e Varshavës, në Poloni të dielën. Ajo po udhëtonte nga Afrika në Kanada, dhe kishte në valixhen e saj heroinë me vlerë mbi 515.000 dollarë, thanë zyrtarët në Poloni të premten. E moshura tha para autoriteteve se nuk kishte dijeni për drogën në valixhet e saj.

Oficerët e doganave në aeroportin Frederic Chopin vendosën të kontrollonin bagazhin e të moshuarës teksa ajo po kalonte tranzit, pasi dyshuan për itinerarin e saj dhe sjelljen e çuditshme. Në fund të valixhes që kishte me vete 81-vjeçarja u zbuluan pako me pesë kilogramë heroinë.

Gruaja, që udhëtonte nga Malavi dhe Kenia përmes Dohas dhe Varshavës, mohoi çdo keqbërje dhe tha se anëtarët e familjes i kishin dhënë valixhen me dhurata për të afërmit në Kanada, sipas Aleksandra Skrzyniarz, një zëdhënëse e zyrës së prokurorit në Varshavë.

Ajo u ndalua për tre muaj dhe prokurorët kanë hapur një hetim. Sipas ligjit polak, ajo përballet me 15 vjet burg për posedim të paligjshëm të lëndëve narkotike.

poloni

Sondazh

Poll

MË SHUMË