Bota

Skandali i përgjimeve në Greqi, Komisioni Europian i kërkon llogari qeverisë

Vërejtjet i referohen skandalit të mbikëqyrjes greke që ka minuar rëndë pozicionin e kryeministrit grek Kyriakos Mitsotakis pasi ai pranoi të hënën se Shërbimi Informativ Kombëtar (EYP) përgjonte liderin e opozitës dhe ish-deputetin e BE-së, Nikos Androulakis.

12 Gusht 2022, 13:32 Nga d.a.
Skandali i përgjimeve në Greqi, Komisioni Europian i kërkon
Mitsotakis

BRUSKEL- Komisioni Evropian ka kërkuar zyrtarisht informacion për skandalin e përgjimeve nga qeveria greke, mëson Anadolu Agency të enjten.

“Më 29 korrik, Komisioni (Europian) i dërgoi një letër ambasadorit grek në BE, duke kërkuar informacion mbi hetimet në vazhdim në lidhje me përdorimin e Predator në Greqi”, tha një zyrtar i BE-së për Anadolu Agencynë kushte anonimiteti.

Vërejtjet i referohen skandalit të mbikëqyrjes greke që ka minuar rëndë pozicionin e kryeministrit grek Kyriakos Mitsotakis pasi ai pranoi të hënën se Shërbimi Informativ Kombëtar (EYP) përgjonte liderin e opozitës dhe ish-deputetin e BE-së, Nikos Androulakis.

Komisioni Evropian reagoi herët ndaj ngjarjeve që po shpaloseshin pasi organi ekzekutiv i BE-së kërkoi detaje në të njëjtën ditë kur drejtori i EYP-së, Andreas Kontoleon dhe sekretari i përgjithshëm i kryeministrit, Grigoris Dimitriadis, dhanë dorëheqjen pas rrëfimit të të parës në një komision parlamentar se agjencia e tij kishte spiunuar gazetarin Thanasis Koukakis.

Anitta Hipper, zëdhënësja e Komisionit Evropian për çështjet e brendshme, tha në fillim të kësaj jave se organi ekzekutiv i BE pret që autoritetet greke të shqyrtojnë "tërësisht" akuzat që rrjedhin nga skandali i spyware.

“Çdo përpjekje e shërbimeve të sigurisë kombëtare për të hyrë në mënyrë të paligjshme në të dhënat e qytetarëve, përfshirë gazetarët dhe kundërshtarët politikë, nëse konfirmohet, është e papranueshme”, tha ajo.

Në parim, është kompetencë e shteteve anëtare të BE-së të hetojnë shkeljet që lidhen me funksionimin e shërbimeve të sigurisë kombëtare. Megjithatë, vendet janë gjithashtu të detyruara nga ligji i BE-së për mbrojtjen e të dhënave dhe praktika gjyqësore e gjykatës së BE-së për të drejtat themelore.

Koukakis, gazetari i cili ishte gjithashtu nën vëzhgim, do të dalë më vonë këtë muaj përpara komitetit PEGA të Parlamentit të BE-së që heton përdorimin e spyware nga vendet anëtare të BE-së, ndërsa lideri i opozitës Androulakis gjithashtu pritet të dëshmojë më vonë.

komisioni evropian skandali i pergjimeve ne greqi nikos androulakis

Sondazh

Poll

MË SHUMË