Bota

Porfirije hyri në Podgoricë me helikopter dhe "pa leje", dorëhiqet kreu i policisë kufitare në Malin e Zi

Helikopteri ka zbritur në kampin e policisë në lagjen Podgoricë të Zllaticës, ku automjetet që kanë transportuar delegacionin e KSHP-së në vilën në Goricë e prisnin Porfirinë.

4 Gusht 2022, 10:58 Nga d.a.
Porfirije hyri në Podgoricë me helikopter dhe "pa leje",
Patriarku Porfirije dhe Abazovic

MAL I ZI- Patriarku i Kishës Ortodokse Serbe (KPS) Porfirije ka mbërritur dje në Podgoricë pa lajmëruar autoritetet dhe me helikopter nga Beogradi.

Sipas Vijesti, helikopteri ka zbritur në kampin e policisë në lagjen Podgoricë të Zllaticës, ku automjetet që kanë transportuar delegacionin e KSHP-së në vilën në Goricë e prisnin Porfirinë.

Ardhja e Porfirio ishte temë e diskutimit në krye të Drejtorisë së Policisë (UP) ku shefi i qendrës rajonale të policisë kufitare, Vesko Akoviç, u ankua se nuk ishte në dijeni për ardhjen e patriarkut të Kishës Ortodokse Serbe, për të cilën mori përgjigjen se arsyeja për këtë ishte se gjithçka mbahej sekret dhe se vetëm disa njerëz dinin për të.

Një pjesë e mediave raportoi se Akoviç dha dorëheqjen për shkak se  Porfirije ka kaluar kufirin jashtë procedurës së zakonshme. Nga kreu i UP-së u tha se Porfirije dhe të gjithë anëtarët e tjerë të delegacionit e kanë kaluar procedurën, dokumentet e tyre janë marrë nga kampi i Zllaticës në pikën më të afërt kufitare (aeroporti i Podgoricës) ku hyrja është regjistruar.

Ata shpjeguan se kjo nuk është e pazakontë kur bëhet fjalë për personat e mbrojtur. Pas diskutimit, Dragan Klikoovac, ushtrues detyre i ndihmës drejtorit të UP-së për Sektorin e Policisë Kufitare, e shkarkoi Akoviçin.

Kryetari i Qeverisë së Malit të Zi Dritan Abazoviç dhe Porfirije kanë nënshkruar dje Marrëveshjen Themelore ndërmjet Qeverisë së Malit të Zi dhe Kishës Ortodokse Serbe. Pas nënshkrimit të Marrëveshjes Themelore, delegacioni shkoi në manastirin e Dajbabes, dhe më pas pak pas orës 13:00 nga aeroporti i Podgoricës me helikopter u kthye në Serbi.

patriarku porfirije dritan abazoviç marreveshja mal i zi-serbi

Sondazh

Poll

MË SHUMË