Aktualitet

'Po të del tym'/ Makina merr flakë në lëvizje, 4 të plagosur: 2 shpëtuan se u hodhën

Drejtuesi i mjetit është lajmëruar nga të tjerë shoferë të rrugës se në pjesën e pasme po i dilte tym, e sapo menjëherë më pas shpërthyen flakët, që shkrumbuan makinën. 

3 Gusht 2022, 19:51 Nga k.m.
'Po të del tym'/ Makina merr flakë në lëvizje, 4
Pamje nga mjeti i djegur

RROGOZHINË- Një makinë shpërthyer në flakë në aksin rrugor Rrogozhinë-Çermë, më konkretisht në fshatin Zhamë të Lushnjes. Drejtuesi i mjetit është lajmëruar nga të tjerë shoferë të rrugës se në pjesën e pasme po i dilte tym, e sapo menjëherë më pas shpërthyen flakët, që shkrumbuan makinën. 

Në momentin e shpërthimit, në mjet ishin 4 persona, por dy prej tyre u hodhën nga makina në ecje e sipër, e disa të tjerë dolën pasi drejtuesi i mjetit e futi makinën në një "xhep" të rrugës për të mos rrezikuar mjetet e tjera. E po ashtu edhe për të shmangur ndonjë aksident të mundshëm.

Të 4 personat që po qarkullonin me mjetin janë banues në Durrës dhe aktualisht ndodhen në spitalin e Lushnjës, ku dhe po marrin mjekimin e nevojshëm nga bluzat e bardha. Ndërkohë që grupi hetimor ka nisur nga puna për të mësuar shkakun e shpërthimit në mjet, ku paraprakisht dyshohet se kemi të bëjmë me një defekt, por ende nuk ka asnjë version zyrtar. 

 

shperthen makina ne zhame

Sondazh

Poll

MË SHUMË