Bota

Kirby e konfirmon: SHBA do të dërgojë 550 milionë dollarë armë të reja në Ukrainë

Paketa prej 550 milionë dollarësh do të përfshijë më shumë municion për sistemet e avancuara të raketave me lëvizshmëri të lartë të njohur ndryshe si Himars, si dhe municione për artilerinë, u tha gazetarëve zëdhënësi i këshillit të sigurisë kombëtare John Kirby.

2 Gusht 2022, 09:58 Nga d.a.
Kirby e konfirmon: SHBA do të dërgojë 550 milionë
John Kirby

SHBA- SHBA njoftoi të hënën një dërgesë të re armësh për forcat e Ukrainës që luftojnë Rusinë, duke përfshirë municione për raketahedhës gjithnjë e më të rëndësishëm dhe armë artilerie.

Sipas Guardian, paketa prej 550 milionë dollarësh do të përfshijë më shumë municion për sistemet e avancuara të raketave me lëvizshmëri të lartë të njohur ndryshe si Himars, si dhe municione për artilerinë, u tha gazetarëve zëdhënësi i këshillit të sigurisë kombëtare John Kirby. Ndihma përfshin 75,000 fishekë të municioneve artilerie 155 mm, tha një deklaratë nga Pentagoni.

“Për të përmbushur kërkesat e saj në zhvillim në fushën e betejës, SHBA-ja do të vazhdojë të punojë me aleatët dhe partnerët e saj për t'i ofruar Ukrainës aftësitë kryesore”, thuhet në deklaratë.

Kjo e çon totalin e ndihmës ushtarake të dhënë për Ukrainën që kur presidenti Joe Biden mori detyrën në më shumë se 8.8 miliardë dollarë, sipas Pentagonit.

Ndihma e mëparshme me armë nga Uashingtoni në Kiev ka përfshirë radarë kundër-artilerie, raketa antitank Javelin, helikopterë të prodhimit sovjetik, predha dhe automjete të blinduara të lehta.

john kirby shba ndihma per ukrainen

Sondazh

Poll

MË SHUMË