Bota

Presidenti algjerian bën lëvizjen e guximshme për të promovuar gjuhën angleze: Frëngjishtja është plaçkë lufte

Algjeria fitoi pavarësinë nga Franca në vitin 1962 pas një lufte të përgjakshme tetëvjeçare që vazhdon të komplikojë marrëdhëniet midis dy vendeve.

31 Korrik 2022, 18:26 Nga k.m.
Presidenti algjerian bën lëvizjen e guximshme për të
Foto ilustruese

ALGJERI-  Presidenti algjerian Abdelmadjid Tebboune ka njoftuar se ish-kolonia franceze do të fillojë mësimin e anglishtes në shkollat ​​fillore më vonë këtë vit.

"Frëngjishtja është një plaçkë lufte, por anglishtja është një gjuhë ndërkombëtare," tha ai.

Algjeria fitoi pavarësinë nga Franca në vitin 1962 pas një lufte të përgjakshme tetëvjeçare që vazhdon të komplikojë marrëdhëniet midis dy vendeve. Përdorimi i vazhdueshëm i gjuhës frënge në institucione dhe administrimi i biznesit është një temë e ndjeshme.

Arabishtja dhe tamazishtja, e cila flitet nga minoriteti amazigh ose berber, janë gjuhët zyrtare të vendit. Presidenti Tebboune, në një intervistë të regjistruar nga TV shtetëror të shtunën tha se akademikët dhe studentët kërkojnë që anglishtja të ofrohet si lëndë më herët.

Sipas kurrikulës aktuale, anglishtja ofrohet në shkollën e mesme për nxënësit nga mosha 14-vjeçare, ndërsa frëngjisht nisin dhe flasin kur janë 9 vjeç. Një iniciativë e ngjashme u nis në fillim të viteve 1990 që prindërve t'u jepej e drejta për të zgjedhur midis frëngjishtes dhe anglishtes për fëmijët e tyre në shkollën e mesme./BBC

algjeri

Sondazh

Poll

MË SHUMË