Bota

Instagram do transformohet? Kompania merr vendimin, shtyn për disa kohë ndryshimet

Përdoruesit kanë thënë se diçka e tillë bllokon përmbajtjen e miqve të tyre

29 Korrik 2022, 09:12 Nga A.B
Instagram do transformohet? Kompania merr vendimin, shtyn për disa
Instagram

SHBA- Zyrtarë të rrjetit social, Instagram, kanë thënë se do të shtyjnë për pak kohë përditësimin e aplikacionit me mundësitë e reja, pas pakënaqësive të shprehura nga njerëzit të cilët janë shprehur se po fillon të ngjajë si Tik Tok.

Në kuadër të transformimit ishte paraqitur rritja e përmbajtjes me video dhe rekomandimi i tyre më i shpeshtë. Përdoruesit kanë thënë se diçka e tillë bllokon përmbajtjen e miqve të tyre. Shefi i Instagram-it, Asam Mosseri, ka postuar disa video në Twitter duke i bërë të ditura ndryshimet, ndonëse ka thënë se dëshiron “të vazhdojë mbështetjen për fotografitë”.

Ditën e djeshme një zëdhënës i Meta-s, kompanisë amë të Instagram-it, ka thënë se është marrë vendim që përditësimet të shtyhen për disa kohë, ashtu që të merren vendimet e duhura.

“Bazuar në gjetjet tona dhe reagimet e komunitetit, ne do të pauzojmë testimin e plotë në Instagram, në mënyrë që të analizojmë edhe mundësi tjera. Përkohësisht do të ulim numrin e rekomandimeve që shihni te përmbajtja juaj”, ka thënë një zyrtar i Meta-s për The Hollywood Reporter.

instagram

Sondazh

Poll

MË SHUMË