Art&Argëtim

S'keni parë kurrë një gjë të tillë! Ka nisur puna, princi saudit po ndërton qytet në shkretëtirë (PROJEKTI)

Konceptet e sapo zbuluara të dizajnit tregojnë një qytet futuristik me mure, e me pasqyrë nga jashtë, që shtrihet nga Deti i Kuq në lindje përgjatë shkretëtirës dhe në një varg malesh.

28 Korrik 2022, 15:30 Nga k.m.
S'keni parë kurrë një gjë të tillë! Ka nisur
Pamje nga projekti

ARABI SAUDITE- Princi saudit të kurorës Mohammed bin Salman ka një plan të "çmendur". Ai do të ndërtojë një qytet të gjatë dhe të ngushtë, më shumë se 105 milje (168.9 km) të gjatë, për ta mbushur me 9 milionë banorë dhe që funksionon tërësisht me energji të rinovueshme. Ky është vizioni që udhëheqësit e Arabisë Saudite kanë për The Line, pjesë e një "projekti giga" që do të riformojë mbretërinë.

Konceptet e sapo zbuluara të dizajnit tregojnë një qytet futuristik me mure, e me pasqyrë nga jashtë, që shtrihet nga Deti i Kuq në lindje përgjatë shkretëtirës dhe në një varg malesh.

Detaje për qytetin:

Do të jetë vetëm 200 metra i gjerë 
Do të ngrihet 500 metra mbi nivelin e detit - më i lartë se Empire State Building;
Banorët do të mund të kryejnë detyrat dhe të lëvizin në të gjithë qytetin me një shëtitje prej pesë minutash;
Nuk do të ketë makina apo rrugë;
Hekurudha me shpejtësi të lartë do të transportojë njerëzit nga skaji në skaj në 20 minuta;
Ndërtimi i tij do të kushtojë qindra miliarda dollarë.
Ndërtimi tashmë ka filluar dhe parashikimet saudite kërkojnë që 1.5 milionë njerëz të jetojnë në The Line deri në vitin 2030.

Projektuesit thonë se struktura do të ruajë një klimë ideale gjatë gjithë vitit, falë përzierjes së saj të hijes, dritës së diellit dhe ajrosjes. Por jo të gjithë ishin aq të interesuar për konceptin e të jetuarit midis mureve gjigante në shkretëtirën saudite. Projekti "Neom" udhëhiqet nga bin Salman, i cili synon të diversifikojë ekonominë e mbretërisë dhe ta ndihmojë atë t'i përgjigjet ndryshimeve klimatike. Projekti financohet nga fondi i investimeve publike të qeverisë.

arabi saudite

Sondazh

Poll

MË SHUMË