Bota

VIDEO- Ndërpritet debati mes dy kandidatëve për kryeministër në Britani, moderatores i bie të fikët

Një zhurmë e madhe bëri që Sekretarja e Jashtme, qartësisht e shqetësuar, të vinte duart para fytyrës teksa ajo bërtiti: O Zot!. 

26 Korrik 2022, 23:09 Nga k.m.

VIDEO- Ndërpritet debati mes dy kandidatëve për kryeministër

BRITANI E MADHE- Debati i fundit i lidershipit konservator midis Rishi Sunak dhe Liz Truss është anuluar pasi prezantueses i ra të fikët në transmetim. Debati i Sun dhe TalkTV, i organizuar nga gazetarja Kate McCann, u ndal papritur në gjysmë pasi u dëgjua një përplasje e fortë. 

Një zhurmë e madhe bëri që Sekretarja e Jashtme, qartësisht e shqetësuar, të vinte duart para fytyrës teksa ajo bërtiti: O Zot!. Zonja Truss u pa më pas duke lënë podiumin e saj dhe duke ecur drejt vendit ku kishte qëndruar më parë zonjusha McCann. Kjo e fundit për pak momente humbi ndjenjat. 

TalkTV tha se McCann ishte “mirë”, por kanalit i ishte dhënë këshilla mjekësore që të mos vazhdonte.

Kandidatët për lidership postuan në Twitter se ishin të lehtësuar kur dëgjuan se McCann ishte mirë dhe treguan se do të ishin të lumtur të organizonin një revansh. Prezantuesi i TalkTV duhej të bashkë-organizonte debatin së bashku me redaktorin politik të The Sun, Harry Cole, por ai u tërhoq pasi doli pozitiv për Covid.

Para se të ndalohej, debati i fundit televiziv midis dy kandidatëve kishte mbuluar taksat, gjendjen e NHS dhe rritjen e kostove të jetesës. Ata kishin qenë gati të fillonin një seksion mbi mbështetjen e Mbretërisë së Bashkuar për Ukrainën kur debati u mbyll.
Kandidatët shfaqën një ton më pajtues, në kontrast me përplasjet e ashpra që kishin shënuar debatin e së hënës në BBC One.

rishi sunak liz truss

Sondazh

Poll

MË SHUMË