Politike

Jamarbër Malltezi publikon fotot e guroreve në bregdet dhe pyet Ramën: Uo pasha, do bëç turizëm apo?

2 Gusht 2019, 16:08 Nga DOSJA
Jamarbër Malltezi publikon fotot e guroreve në bregdet dhe pyet

TIRANË- Kreu i Departamentit të Mjedisit në Partinë Demokratike, Jamarbër Malltezi, ka publikuar sot disa foto një guroreje që ndodhet në bregun e jonit. Malltezi në një reagim në Facebook, shkruan se goruroja është në kundërshtim me planin rregullues së Bashkisë Himarë.

Më tej ai shton se në këtë mënyrë dëmtohet turizmi, pasi nuk mund të ketë turizëm në një vend që ndotet uji nga intertet. Në fund Malltezi ka bërë dhe disa pyetje, të cilat i ka lënë pa përgjigje.

“Po tani në 2019 nuk ka dalë me fare nga bregu ky krye-këshilltari? Po ai që conte nga 10 letra në javë në UNESCO se po dëmtohej Butrinti pse u zgjerua rruga kombëtare mos nuk jeton më? Po ata hallexhinjtë që dilnin të protestonin për hekurat rrethues të Pallatit të Brigadave kur u zgjerua Rruga e Elbasanit a mos kanë ndërruar jetë që nuk ndihen? Apo të gjithë këtyre, njëlloj si Rama-Klosi dhe inspektorëve të tyre ua ka zënë kokën me derë oligarkët që ju kanë dhënë KAFEN dhe tani nuk ndihen dot?”, shkruan ndër të tjera kreu i Departamentit të Mjedisit në PD.

POSTIMI I PLOTË

Uo pasha, do bëç TURIZËM apo GURORE? – 3 refleksione nga një foto gurore buzë detit:

Kushdo që ka kaluar në bregun e Jugut këtë vit ka parë një gurore masive mu buzë detit. Ka silos rere, pirgje guresh, betoniere, ekskavatore dhe ka prishur mbi 4 hektarë vegjetacion natyror që në letra figuron ende në inventar pyjor. Hapa Planet Vendore të Bashkisë Himarë dhe shoh se kjo gurore qenka në dhunim edhe të Planit Rregullues të Himarës, edhe në dhunim të Planeve të Detajuara Vendore të Dhralesë dhe Perivolos. Pra, GURORE në dhunim të Planeve Hapësinore. Sot portalet kishin edhe një lajm sesi një ekskavator nga kjo gurore masive po lëvizte masive gurësh në breg mu ngjitur me turistët.

Po Inspektoriate a ka ky vend? A paguajmë ne si taksapagues për Inspektoriat Mjedisi? Aty ku z. Klosi ka emëruar ish-doganierin dhe ish-kreun e PS në Durrës ndonëse nuk ka asnjë njohuri mbi mjedisin? Po inspektoriat pyjor a ka ky vend? Të monitorojë fondin pyjor dhe livadhor? Aty ku z. Klosi ka emëruar një ish trafikant droge të dënuar me burg, I cili hera-herës I jep emrin me qera Edvinit të shfryjë llumin e tij mendor? Po Polici a ka në këtë vend? Apo është e zënë duke burgosur protestuesit që duan të mbrojnë teatrin apo Kopshtin Botanik? Po Bashkia a ka inspektoriate dhe Polici Bashkiake? A burgosen njerëzit pse meremetojnë catinë pa leje? Këtu poshtë Palasës po operon një gurore mu buzë detit në dhunim të disa Planeve Hapësinore dhe institucionet kanë mbyllur sytë shumë fort ose si pasojë e korruptimit masiv te cdo zyrtari, ose si pasojë e pagesës së KAFES tek 1 zyrtar Rama-Klosi dhe nuk guxon asnjë nga dhjetra inspektoriatet apo policet të kryejë detyrën shtetërore!!!

Në 2011 apo 2012 në një debat mbi turizmin në Opinion këshilltari shumë-përdorimsh i Edi Ramës (që e përdor edhe për ndryshimin e kufinjve, edhe për qeverisjen, edhe për kushtetutën, edhe si dëshmitar kallp që të dëshmojë se trangujt nga Kosova janë eruditët më të mirë, edhe për të sjellë miell serb jashtë standardeve të BE, e përdor edhe si ekspert për turizmin), u ankua se rruga e plazhit që po ndërtohej për tek rrugët e bardha poshtë Palasës kish dëmtuar turizmin (duke hedhur inertet ndërtimore anash rruge) dhe se shteti Shqiptar duhej të zgjidhte nëse do bënte turizëm apo gurore. Ndonëse dukej si trill (duke pasur parasysh se deri në 2011 nuk kish rrugë të shtruar me asfalt fare për në plazh dhe makinat sa herë kalonin ngrinin re pluhuri nga pas), më pëlqeu ndjeshmëria e papritur mjedisore e këshilltarit shumë-përdorimsh të Ramës. Po tani në 2019 nuk ka dalë me fare nga bregu ky krye-këshilltari? Po ai që conte nga 10 letra në javë në UNESCO se po dëmtohej Butrinti pse u zgjerua rruga kombëtare mos nuk jeton më? Po ata hallexhinjtë që dilnin të protestonin për hekurat rrethues të Pallatit të Brigadave kur u zgjerua Rruga e Elbasanit a mos kanë ndërruar jetë që nuk ndihen? Apo të gjithë këtyre, njëlloj si Rama-Klosi dhe inspektorëve të tyre ua ka zënë kokën me derë oligarkët që ju kanë dhënë KAFEN dhe tani nuk ndihen dot?

(A.B. Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike adi malltezi denoncimi i malltezit guroret ne bregdet turizmi ne shqiperi adi malltezi denoncimi i malltezit guroret ne bregdet turizmi ne shqiperi

Sondazh

Poll

MË SHUMË