Politike

Spiropali: S’kemi futur duart askund, socialistët janë dënuar pa ndërhyrje

Ajo shtoi se ka qenë vetë qeveria që ka kërkuar hetim të plotë.

14 Korrik 2022, 15:30 Nga F.M
Spiropali: S’kemi futur duart askund, socialistët janë
Elisa Spiropali

TIRANË- Ministrja për Marrëdhëniet me Parlamentin Elisa Spiropali është shprehur se qeveria nuk ka ndërhyrë në asnjë vendim të drejtësisë për të dënuar anëtarët e Partisë Socialiste. Duke iu përgjigjur kryedemokratit Sali Berisha, Spiropali tha se ministra e deputetë të PS-së kanë marrë ndëshkimin nga drejtësia ka ndërhyrjen e askujt. Ajo shtoi se ka qenë vetë qeveria që ka kërkuar hetim të plotë.

“Nuk mund ta mendonin që të dënonin njëri apo tjetrin. Sot për herë të parë kemi kryetarë bashkish, deputetë, ministra që janë hetuar, gjykyar dhe janë dënuar pa pasur asnjë ndërhyrje nga kjo shumicë. Pa futur hundët dhe duart në punët e drejtësisë. Kjo qeveria ka kërkuar vetëm hetim të plotë. Pa mbrojtje për askënd. Aleatët janë bërë bashkë dhe thonë që do dalin në rrugë për të ngritur shqiptarët. I ka ardhur goja edhe asaj zonjës së atij zotërisë që iu mbyll dosja në Gjykatë të Lartë edhe pse ishte me zë dhe figurë. Pse nuk i njohim ne këto miza, nuk e dimë ne se çfarë kanë bërë? Nuk ia hidhni dot qytetarëve me slogane. Sot politikanët dhe zyrtarët e lartë kanë frikë të firmosin. Nuk ka forcë politike që i mbron. Ju nuk i jeni vërsulur kot kësaaj qeverie. Problemin e keni edhe me partnerët tanë që kërkojnë ndëshkueshmëri për ato dosje që kërkojnë hetim. Ne nuk mbrojmë askënd,”- deklaroi ajo.

elisa spiropali

Sondazh

Poll

MË SHUMË