Aktualitet

10 ditë punime tek Unaza Lindore, devijohet qarkullimi i makinave në Tiranë (Harta)

Përdoruesit e këtij segmenti do të devijojnë nga rruga kryesore në nyjën e Farkës duke përdorur rrugën “Ali Shefqeti” dhe “Alajdin Frashëri” deri në rrethrrotullimin e Shkozës dhe anasjelltas.

13 Korrik 2022, 17:34 Nga k.m.
10 ditë punime tek Unaza Lindore, devijohet qarkullimi i makinave në
Harta e re e lëvizjes

TIRANË- Autoriteti Rrugor Shqiptar ka njoftuar qytetarët për devijimin e qarkullimit në rrugët e kryeqytetit në kuadër të punimeve për Lotin 3 të Unazës Lindore. Si pasojë e punimeve, do të bllokohet lëvizja nga segmenti i unazës Lindore Farkë-Shkozë. Përdoruesit e këtij segmenti do të devijojnë nga rruga kryesore në nyjën e Farkës duke përdorur rrugën “Ali Shefqeti” dhe “Alajdin Frashëri” deri në rrethrrotullimin e Shkozës dhe anasjelltas. Punimet do të vazhdojnë për 10 ditë.

Njoftimi i ARRSH:

Në vijim të punimeve për zbatimin e projektit “Rikualifikimi i akseve rrugore Unaza Lindore Loti 3” dhe “Plotësimi i punimeve dhe rrugët lidhëse në Unazën Lindore Loti 2”, sipas grafikut të punimeve, në datën 16.07.2022, ora 08:00, do të fillojnë punimet për montimin e trarëve të mbikalimit në Shkozë, si dhe punimet e asfaltimit të karrexhatës së majtë dhe të djathtë të rrugës kryesore të segmentit rrugor Farkë-Shkozë.

Për realizimin e këtyre punimeve është e nevojshme të kryhet bllokimi i segmentit të unazës Lindore Farkë-Shkozë. Përdoruesit e këtij segmenti rrugor do të devijojnë nga rruga kryesore në nyjën e Farkës duke përdorur rrugën “Ali Shefqeti” dhe “Alajdin Frashëri” deri në rrethrrotullimin e Shkozës dhe anasjelltas.

Në këto pika të devijimit do të vendoset sinjalistika e përkohshme orientuese për qarkullimin e mjeteve. Kryerja e këtyre punimeve është parashikuar të zgjasë rreth 10 ditë. Kërkojmë mirëkuptimin e përdoruesve të mjeteve dhe të banorëve për këtë devijim!

autoriteti rrugor shqiptar tirane

Sondazh

Poll

MË SHUMË