Art&Argëtim

'Nëse nuk vjen me motrat, shoqërojini me forcë'/ Gjyqi ndaj Enver Sekiraqës, reagon Adelina: S'jam kriminele

Adelina ka theksuar se kjo ngjarje, ku me motrat ka qenë thjesht dëshmitare, i ka rrezikuar jetën dhe i ka prishur imazhin në karrierën e saj si këngëtare. 

13 Korrik 2022, 15:51 Nga k.m.
'Nëse nuk vjen me motrat, shoqërojini me forcë'/ Gjyqi
Adelina Ismaili

PRISHTINË- Këngëtarja e njohur, Adelina Ismaili ka reaguar pas vendimi të gjykatësit Agron Kuçi, i cili ka kërkuar nga Policia që t’i shoqërojë në gjykatë motrat Ismaili edhe forcërisht nëse është nevoja, në seancën ndaj Enver Sekiraqës. Përmes një postimi në Instastory, ajo ka mohuar të jetë në kërkim, duke thënë se ka mbi 10 vite që endet në gjyqe.

Adelina ka theksuar se kjo ngjarje, ku me motrat ka qenë thjesht dëshmitare, i ka rrezikuar jetën dhe i ka prishur imazhin në karrierën e saj si këngëtare. 

“Asnjë polici nuk është në kërkim timin as të motrave të mia. Ne nuk jemi kriminele dhe nuk kemi raste në polici. Jemi dëshmitare të një rasti dramatik që ka ndodh para 15 viteve dhe kemi bashkëpunuar me të gjitha institucionet e RKS për zbardhjen e rastit. Më shumë se 10 vite jemi në gjyqe dhe në polici sa herë është kërkuar nga ne duke rrezikuar edhe jetët tona nga banda kriminale që na kanë kërcënuar pa ndal dhe vazhdojnë…mos të flasim për dëmtim të imazhit dhe të gjithë reperkusionet negative që ka pas në jetët tona profesionale. Ky rast përsëritet cdo 3 vjet tash dhe nuk merret vendimi final,”- ka shkruar këngëtarja.

'Nëse nuk vjen me motrat, shoqërojini me forcë'/ Gjyqi

Ish i fejuari i Adelinës, Triumf Riza u vra më 30 gusht të vitit 2007, vrasje për të cilën Arben Berisha është dënuar me 35 vjet burg, ndërsa Enver Sekiraqa me 37 vjet. Por çështja po gjykohet sërish, ndaj kërkohet edhe njëherë dëshmia e motrave Ismaili. 

enver sekiraqa adelina tahiri

Sondazh

Poll

MË SHUMË