Aktualitet

“Pse ke ardh”/ Zbardhet dosja e përplasjes mes vëllezërve në Radhimë, Benjamini shkoi ‘blic’ në lokal, Eduarti nxorri armën

Sipas dëshmisë së Benjamin Kondit të dhënë në policinë e Vlorës, ditën kur ka ndodhur ngjarja, më 4 korrik, ai sapo ishte kthyer nga Italia në Shqipëri, duke përdorur linjën e tragetit Bari-Durrës.

12 Korrik 2022, 17:16 Nga F.M
“Pse ke ardh”/ Zbardhet dosja e përplasjes mes
Pamje nga Radhima

TIRANË- Eduard Kondi është përleshur me të vëllanë pasi është kthyer nga Italia. Gazetari Elton Qyno shkruan për OraNeës se lokali dhe plazhi punohej nga Eduard Kondi, por prezenca në këtë terren e Benjaminit, ka bërë që ai të nxjerrë një pistoletë dhe të qëllojë në ajër, me qëllim trembjen dhe largimin e të vëllait që i kishte shkuar papritur në lokal. Sipas dëshmisë së Benjamin Kondit të dhënë në policinë e Vlorës, ditën kur ka ndodhur ngjarja, më 4 korrik, ai sapo ishte kthyer nga Italia në Shqipëri, duke përdorur linjën e tragetit Bari-Durrës.

Nga Durrësi, Benjamini u ka thënë policëve se kishte shkuar direkt tek lokali që e punon vëllai i tij, Eduard Kondi. Sipas tij, ky i fundit qëndronte në verandën e lokalit dhe aty Benjamini e ka përshëndetur të vëllanë, i cili qëndronte në një tavolinë të lokalit “Bora-Bora”. Eduarti nuk i ka folur fare, por është ngritur nga tavolina dhe i është drejtuar Benjaminit me fjalët: “…pse ke ardhur ti këtu…”.

Në këtë moment Eduard Kondi, sipas Benjaminin ka futur dorën në marsupin që mbante të varur, dhe në këtë moment vëllai tjetër është larguar nga frika, duke tentuar të fshihet pas lokalit. Në këtë moment ka dëgjuar një të shtënë arme, ndërsa vetë Benjamini ka treguar në polici se ka dalë me shpejtësi duke marrë makinën që përdoret për transportin e punëtorëve dhe është larguar në drejtim të Vlorës, duke u paraqitur në polici.

Ai nuk ka pësuar asnjë dëmtim nga e shtëna me armë, por për shkak të zhurmës së krijuar të gjithë pushuesit janë larguar me vrap. Benjamini, u ka treguar policëve se njeriu që ka qëlluar me armë ka qenë pikërisht vëllai i tij, Eduard Kondi, me të cilin ka pasur konflikte të mëparshme. Kondi është vënë në pranga dhe akuzohet për akuzën e “Mbajtje pa lejë të armëve dhe municioneve”, “Dhunë në familje” dhe “Prishje e qetësisë publike”.

eduard kondi benjamin kondi perplasja mes vellezerve ne radhime

Sondazh

Poll

MË SHUMË