Bota

Bujar Osmani reagon për çështjen RMV-Bullgari

Osmani deklaron se kanë qarkulluar informacione të gabuara për çështjen mes Maqedonisë së Veriut dhe Bullgarisë.

11 Korrik 2022, 20:27 Nga s.s

Bujar Osmani

Maqedonia e veriut- Ministri i Jashtëm i RMV-së, Bujar Osmani, ka reaguar për çështjen mes Maqedonisë së Veriut dhe Bullgarisë i cili tha se informacione të gabuara kanë qarkulluar për përmbajtjen e Protokollit midis dy vendeve.

Një tekst në gjuhën bullgare është publikuar për publikun si ide të grupeve që janë shkëmbyer midis Ministrave të Punës së Jashtme në periudhën e kaluar. Osmani deklaroi se kjo është bërë me qëllim dhe kjo gjë synon prishjen e proçesit të konsultimeve të gjera për propozimin francez për heqjen e vetos dhe vazhdimin e integrimit evropian të Maqedonisë së Veriut.

Në faqen e tij zyrtare Facebook Osmani ka shkruar: “Në këtë kontekst, dëshirojmë të theksojmë se përmbajtja e Protokollit eventual ndërmjet dy vendeve, si procesverbal i seancës së ardhshme të Komisionit të Përbashkët Ndërqeveritar, do të harmonizohet përfundimisht në seancën e vetë këtij Komisioni”.

Më 30 qershor, qeveria e Maqedonisë së Veriut pranoi një propozim të modifikuar nga presidenca franceze, pas së cilës filloi një proces konsultimi, fillimisht me qeverinë dhe partnerët e koalicionit, e më pas me presidentin, parlamentin, opozitën, si dhe me sektorin civil. Kryeministri i Maqedonisë së Veriut, Dimitar Kovaçevski, deklaroi se propozimi i modifikuar përfshin vërejtjet dhe qëndrimet e konstruktuara qartë të palës maqedonase, parasheh një pranim të qartë dhe pa mëdyshje të gjuhës maqedonase, si dhe atë që protokolli me Bullgarinë të mos jetë pjesë e kornizës negociuese.Presidenti francez, Emmanuel Macron, presidenca e të cilit hartoi propozimin, beson se me propozimin është gjetur një zgjidhje kompromisi për të dyja palët. Propozimi francez është një dokument që duhet të çojë në heqjen e vetos 2-vjeçare të Bullgarisë për integrimin e Maqedonisë së Veriut në BE.

bujar osmani bullgaria heq veton ndaj rmv bullgari rmv