Bota

Zjarri në Kaliforni kërcënon pemët më të mëdha dhe të vjetra në botë

Zjarrfikësit po punojnë në terrene të vështira për të mbrojtur disa nga pemët më të mëdha dhe më të vjetra të drurit të kuq në botë. Banorët dhe kampistët pranë zjarrit janë evakuuar dhe tymi i dendur ka përkeqësuar cilësinë e ajrit të rajonit dhe ka errësuar pamjet piktoreske të parkut.

11 Korrik 2022, 16:36 Nga d.a.
Zjarri në Kaliforni kërcënon pemët më të
zjarr ne SHBA

SHBA- Një zjarr në rritje në Kaliforni po kërcënon rrënjët më të mëdhe të sekuojave gjigante në Parkun Kombëtar Yosemite. Zjarri i Washburn është dyfishuar në përmasa gjatë 24 orëve të fundit dhe tani vlerësohet të ketë djegur 1,591 hektarë.

Sipas BBC, zjarrfikësit po punojnë në terrene të vështira për të mbrojtur disa nga pemët më të mëdha dhe më të vjetra të drurit të kuq në botë. Banorët dhe kampistët pranë zjarrit janë evakuuar dhe tymi i dendur ka përkeqësuar cilësinë e ajrit të rajonit dhe ka errësuar pamjet piktoreske të parkut.

Zjarri, i cili filloi më 7 korrik, kërcënon të paktën 500 sekuia gjigante në Mariposa Grove, duke përfshirë gjigantin e famshëm Grizzly, i cili mendohet të jetë rreth 3,000 vjet i vjetër. Për momentin asnjë prej tyre nuk është shkatërruar nga zjarri.

Departamenti i zjarrit dhe menaxhimit të aviacionit Yosemite tha se po "mbronte në mënyrë proaktive" sekuiat duke ngritur një sistem spërkatës për të rritur lagështinë rreth pemëve dhe duke hequr karburantet e mundshme nga vendi. Zjarri i Washburn tashmë ka detyruar afro 1600 njerëz të evakuojnë zonën, duke përfshirë komunitetin Wawona të vendosur brenda parkut kombëtar dhe qindra kampistë që qëndrojnë afër Wawona.

Shkaku i zjarrit është ende duke u hetuar. Zyrtarët e zjarrfikësve thonë se moti i ngrohtë dhe i thatë po vështirëson kontrollin e flakëve.

Sekuiat gjigante janë disa nga pemët më të mëdha në planet. Më i madhi është 83 metra i gjatë dhe mbi 11 metra në diametër në bazë. Jetëgjatësia e tyre e jashtëzakonshme, ata mund të jetojnë deri në rreth 3000 vjet, gjithashtu i bën ata ndër gjallesat më të vjetra në Tokë.

Mariposa Grove mban një vend historik në historinë amerikane si zona e parë piktoreske natyrore që mbrohet nga qeveria federale për "përdorim publik, vendpushim dhe rekreacion". Legjislacioni u nënshkrua nga Presidenti Lincoln në 1864.

zjarr ne shba zjarr ne kaliforni

Sondazh

Poll

MË SHUMË