Politike

VD-'Riedukimi' i gazetarëve nga Rama/ Balla: Edhe Trump ia hiqte fjalën gazetarit të CNN

Taulant Balla deklaroi se ish-presidenti Donald Trump i hiqte fjalën gazetarit të CNN gjatë konferencës për shtyp.

8 Korrik 2022, 15:12 Nga A.B
VD-'Riedukimi' i gazetarëve nga Rama/ Balla: Edhe Trump ia hiqte
Taulant Balla

TIRANË- Kreu i Grupit Parlamentar të PS-së, Taulant Balla u pyet ditën e sotme nga gazetarët për incidentin e kryeministrit Edi Rama në një konferencë për shtyp ku “dënoi” për 3 muaj mospjesëmarrje, gazetarin Klevi Muka. Balla u shpreh se ky rast nuk ka të bëjë fare me lirinë e medias, madje mori një shembull. Ai tha se ish-presidenti Donald Trump i hiqte fjalën gazetarit të CNN gjatë konferencës për shtyp.

“T’ju them të drejtën në Shqipëri ka liri mediash. Sepse fakti që kemi një diversitet kaq të madh nëse do t’i krahasonim sa outletesh mediatike kemi në Shqipëri në krahasim me vendet e tjera, kemi më shumë. Të gjitha këto rekomandime të shihen në kuadër më të gjerë dhe rajonal. Ka ndodhur nga koha kur Donald Trump i kërkonte heqjen e fjalës së një gazetari të CNN në konferencë për shtyp. Të gjithë biem dakord që SHBA janë modeli më i mirë i lirisë së medias dhe demokracisë. Unë kam studiuar modelin e demokracisë amerikane. Natyrshëm që fakti që ju ngrini, nuk ka të bëjë aspak me lirinë e medias. Është çështje e komunikimit, kur mblidhemi të diskutojmë një çështje të rëndësishme. Rasti i asaj dite ishte një gjë e madhe, një bazë ushtarake e NATO-s në Shqipëri. Dhe nga kjo kalojnë në një çështje tjetër. Ju jeni ekspertë të kësaj fushe, nuk dua të hyjë në detyrën tuaj. Komunikimi publik është një detyrim” – tha Balla.

taulant balla

Sondazh

Poll

MË SHUMË