Bota

Hovenier: Mos të flenë të qetë personat në Kosovë e rajon që janë të përfshirë në korrupsion

Hovenier, ka paralajmëruar njerëzit në Kosovë e rajon, që janë të përshirë në aktivitete kriminale, se nuk duhet të flenë të qetë, pasi mund të sanksionohen në çdo moment.

30 Qershor 2022, 08:02 Nga A.B
Hovenier: Mos të flenë të qetë personat në Kosovë
Jeff Hovenier

KOSOVË- Ambasadori amerikan në Kosovë, Jeff Hovenier, ka paralajmëruar njerëzit në Kosovë e rajon, që janë të përshirë në aktivitete kriminale, se nuk duhet të flenë të qetë, pasi mund të sanksionohen në çdo moment.

“Njerëzit në Kosovë ose në vendet e rajonit, që janë të përfshirë në aktivitete të organizuara kriminale ose korrupsion, nuk duhet të flenë të qetë dhe fare mirë mund të ketë sanksione të caktuara në një moment”, ka thënë Hovenier.

Ai shtoi se nuk i shohin paraprakisht vendimet për sanksione e se zakonisht i informojnë njerëzit për këto vendime në kohën kur i bëjnë publike ato.

“Ajo që dua të them është se presidenti i ka dhënë autoritet agjencive qeveritare të mbikëqyrin individët që plotësojnë kritere të caktuara potencialisht për t’u sanksionuar. Shumë punë po bëhet në lidhje me personat që janë të përfshirë në sulmin e pajustifikuar të Rusisë në Ukrainë dhe një numër i njerëzve po sanksionohen për rolin individual që kanë luajtur. Ka autoritete që adresojnë në veçanti krimin e organizuar transnacional dhe njerëzit e përfshirë në krimin e organizuar transnacional dhe korrupsion”, ka thënë ai.

jeff hovenier prishtine

Sondazh

Poll

MË SHUMË