Aktualitet

U mbyt në lumë me djalin/ Zbulohet shkaku i aksidentit, eksperti: Barrierat, jashtë standardeve

Sipas burimeve nga Policia Rrugore në Berat mësohet se aksidenti është shkaktuar si pasojë e humbjes së kontrollit nga ana e drejtueses së mjetit dhe paaftësia e saj për të manovruar me mjetin pasi sipas burimeve po të ekspertëve qarkullimit 25-vjeçarja kishte vetëm 20 ditë që kishte marr patentën.

28 Qershor 2022, 15:40 Nga k.m.
U mbyt në lumë me djalin/ Zbulohet shkaku i aksidentit, eksperti:
Klaudia Xhaferaj

BERAT- Kur ka kaluar një ditë nga aksidenti tragjik, ku humbën jetën nënë e bir, të cilët u mbytën në lumin Osum, kanë dalë detajet e para nga hetimet. Një nga specialistët, punonjës i mirëmbajtjes në Bashkinë Berat, Kosta Angjeliu shprehet se kangjellat në anë të trotuarit dhe se e reja ishte shumë shpejt.

Eksperti i sigurisë rrugore, Artur Sulçe vlerëson se shpejtësia e mjetit që ra dje në lumin Osum me pasojë vdekjen e dy personave ishte normale, por i gjithë problemi qëndron tek cilësia e dobët e barrierës mbrojtëse. Po ashtu, eksperti tha se nëse barriera do të ishte brenda standardeve, sot do të flisnim vetëm për dëme materiale, jo për dy të vdekur. Ai tha se ajo barrierë duhet të duronte deri në 40 ton, por ra sapo e preku parakolpi i mjetit.

Sipas burimeve nga Policia Rrugore në Berat mësohet se aksidenti është shkaktuar si pasojë e humbjes së kontrollit nga ana e drejtueses së mjetit dhe paaftësia e saj për të manovruar me mjetin pasi sipas burimeve po të ekspertëve qarkullimit 25-vjeçarja kishte vetëm 20 ditë që kishte marr patentën. Ndërsa sipas ekspertizës mjeko ligjore vdekja është shkaktuar nga mbytja, pas një qëndrimit për një kohë të gjatë në ujë. Sipas dëshmitarëve, kishin mbetur 15 minuta nën ujë. Mirëpo paraprakisht dyshohet se shkak i aksidentit ka qenë një parakalim i gabuar i të resë, e cila në tentativë për t’iu shmangur një kamioni përfundoi në lumë.

Ndërkohë që hetimet vazhdojnë, 25-vjeçarja Klaudia Xhaferaj dhe djali i saj 6-vjeçar, nënë e bir janë përcjellë sot për në banesën e tyre të fundit. Familjarë, miq e të afërm të familjes Xhaferraj, kanë përcjellë në orën 13:00 akt-mortet e dy viktimave të aksidentit në varrezat e Burdulliasit.

 

vdesin nene e bir ne berat

Sondazh

Poll

MË SHUMË