Aktualitet

Ulet me 3 lekë çmimi i naftës! Rritet benzina, gazi s'ndryshon! Vendimi hyn në fuqi sot në 18:00

Bordi i Transparencës në mbledhjen e sotme ka vendosur që të ulë çmimin e naftës me 3 lekë, pra nga 258 që ishte bëhet 255 lekë për litër.

28 Qershor 2022, 15:30 Nga k.m.
Ulet me 3 lekë çmimi i naftës! Rritet benzina, gazi
Foto ilustruese

TIRANË- Nga sot, qytetarët do të blejnë naftën dhe gazin me çmime të tjera. Bordi i Transparencës në mbledhjen e sotme ka vendosur që të ulë çmimin e naftës me 3 lekë, pra nga 258 që ishte bëhet 255 lekë për litër. Në një kohë që nafta ka pësuar një ulje, nuk ka ndodhur kështu edhe me benzinës. Po ashtu, nga sot benzina do të shitet me 242 nga 239 lekë që ka qenë deri dje. Ndërsa gazi nuk ka pësuar ndryshime. Vendimi do të hyjë në fuqi sot në orën 18:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i Transparencës në datë 28 Qershor 2022, në mbledhjen e radhës vendosi: Çmimi i shitjes me pakicë i nënproduktit gasoil i standardit SSH EN 590 të jetë 255 lekë/litri, ndërsa i shitjes me shumicë 243 lekë/litër. Çmimi i shitjes me pakicë i nënproduktit benzinë e standardit SSH EN të jetë 242 lekë/litri,ndërsa i shitjes me shumicë 230 lekë/litër. Çmimi i shitjes me pakicë i nënproduktit gaz, të jetë 83 lekë/litri me pakicë dhe i shitjes me shumicë 71 lekë/litër për automjetet.

(Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 28 Qershor ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit. Jemi në monitorim të vazhdueshëm të ecurisë së bursave, me qëllim reagimin sa më të shpejtë

bordi i transparencës

Sondazh

Poll

MË SHUMË