Aktualitet

50-vjeçari u pickua nga merimanga e zezë, QSUT: E kemi antidotin, por vendosin mjekët kur ia japin

Në reagimin zyrtar të QSUT-së, mësohet se pacienti është shtruar dje në orën 21:20 dhe se antidotin e kanë në gjendje në farmacinë e spitalit.

27 Qershor 2022, 15:03 Nga k.m.
50-vjeçari u pickua nga merimanga e zezë, QSUT: E kemi antidotin,
QSUT

TIRANË- Qendra Spitalore Universitare "Nënë Tereza" ka reaguar për rastin e pacientit që është pickuar nga merimanga e zezë. Në reagimin zyrtar të QSUT-së, mësohet se pacienti është shtruar dje në orën 21:20 dhe se antidotin e kanë në gjendje në farmacinë e spitalit. Por kanë vendosur vetë që të mos e injektojnë tek pacienti, të paktën akoma jo. 

Sqarim i QSUT:

Nisur nga lajmi i dalë në disa media për një qytetar që është pickuar nga merimanga e zezë, Qendra Spitalore Universitare “Nënë Tereza” sqaron se: Pacienti H.K, me diagnozë “Pickimi nga merimanga e zezë”, është paraqitur ne Shërbimin e Urgjencës së Sëmundjeve të Brendshme në dt. 25.06.2022 në orën 21:20. Pasi ka kryer konsultë me mjekun toksikolog, është shtruar në Shërbimin e Toksikologjisë dhe i’u nënshtrua egzaminimeve laboratorike dhe testeve të nevojshme, sipas protokollit.

Sqarojmë se, Farmacia e QSUT disponon antidotin antivenine lactrodectus tredecimgutates dhe përdorimi i tij përcaktohet nga mjekët, pasi ka kritere rigoroze, për shkak të riskut shumë të lartë të reaksionit deri në shock anafilaktik. Aktualisht pacienti është në gjendje të stabilizuar nën mbikqyrje mjekësore ku vazhdon mjekimin sipas protokollit mjekësor.

Ndërkohë që pacienti ka një ditë i shtruar, ende nuk dihet se kur do t'ja injektonë antidotin, ndërsa shtojnë se i shtruari është në gjendje të stabilizuar. 

hasbi kalemi qsut

Sondazh

Poll

MË SHUMË