Aktualitet

Zbulohen dy parcela me kanabis në Shkodër, trafikantët i shpëtojnë policisë (Emrat)

Të dy trafikantët kanë arritur që tu shpëtojnë prangave të policisë. 

24 Qershor 2022, 09:50 Nga F.M
Zbulohen dy parcela me kanabis në Shkodër, trafikantët i
Foto Ilustruese

SHKODËR- Dy parcela ma kanabis me nga 350 rrënjë janë zbuluar në Shkodër. Mëngjesin e sotëm kanë zbarkuar në Shkodër ku kanë zhvilluar dy operacione “Vilu” dhe “Obot”.

Gjatë kontrolleve janë zbuluar dy parcelat me kanabis që rezulton se kultivoheshin nga Rozart Pjetri dhe Halil Zenelaj. Të dy trafikantët kanë arritur që tu shpëtojnë prangave të policisë. 

Njoftimi i policisë:

Shkodër/Kontrolle masive në të gjithë territorin, me qëllim parandalimin, evidentimin dhe goditjen e veprimtarisë kriminale në fushën e kultivimit të bimëve narkotike. Zhvillohen 2 operacione masive kontrolli, të koduar “Vilu” dhe “Obot”, në kuadër të të cilëve u evidentuan dhe u goditën 2 raste të kultivimit të bimëve narkotike. Gjatë operacioneve, janë shpallur në kërkim 2 autorët e dyshuar të këtyre veprimtarive kriminale, të cilët, për shkak të terrenit të pyllëzuar, kanë mundur të largohen nga vendet ku kultivonin bimët narkotike. Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Komisariatit të Policisë Shkodër kanë vijuar kontrollet e imtësishme të territorit, nga toka dhe nga ajri, duke përdorur edhe dronë. Në kuadër të operacionit policor të koduar “Vilu”, në vendin e quajtur “Vilu”, Velipojë, në një sipërfaqe toke në terren të pyllëzuar, janë gjetur të kultivuara bimë të dyshuara narkotike cannabis sativa, të cilat u asgjësuan me anë të djegies.

Në vijim të veprimeve hetimore u bë i mundur identifikimi i autorit të dyshuar të kësaj veprimtarie kriminale, shtetasit R. P., 38 vjeç, banues në fshatin Pulaj-Plazh Velipojë, Shkodër, i cili u shpall në kërkim dhe punohet për kapjen e tij. Në kuadër të operacionit policor të koduar “Obot”, në fshatin Obot, në vendin e quajtur “Zalli Bunës”, u gjetën të kultivuara bimë të dyshuara narkotike të llojit cannabis sativa, të cilat u asgjësuan me anë të djegies. Në vijim të veprimeve hetimore u bë i mundur identifikimi i autorit të dyshuar të kësaj veprimtarie kriminale, shtetasit H. Z., 55 vjeç, banues në fshatin Oblikë, Shkodër, i cili u shpall në kërkim dhe punohet për kapjen e tij. Vijon puna puna për dokumentimin e plotë të këtyre 2 rasteve, identifikimin dhe kapjen e personave të tjerë të përfshirë. Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.

rozart pjetri halil zenelaj

Sondazh

Poll

MË SHUMË