Politike

Samiti BE-Ballkani Perëndimor në Bruksel, Vuçiç paralajmëron bojkot, Shqipëria asnjë qëndrim

Vuçiç tha se fillimisht do të konsultohet me liderët e Open Balkan, pjesë e të cilit është edhe Shqipëria.

21 Qershor 2022, 11:07 Nga F.M
Samiti BE-Ballkani Perëndimor në Bruksel, Vuçiç
Aleksandër Vuçiç

SERBI- Presidenti i Serbisë, Aleksandër Vuçiç ka deklaruar se ende nuk ka vendosur nëse do të marrë pjesë në Samitin që do të mbahet mes BE-së e Ballkanit Perëndimor më 23 qershor në Bruksel. Në një deklaratë për mediat, Vuçiç tha se fillimisht do të konsultohet me liderët e Open Balkan, pjesë e të cilit është edhe Shqipëria.

“Do të pres të konsultohemi në kuadër të Open Balkan me zotin Rama dhe zotin Kovaçevski. Do ta konsultoj dhe qeverinë. Pastaj do të sjellim vendim, nëse do të shkojmë në Bruksel dhe cili do të jetë pozicioni ynë. Do të kuptojmë se çfarë pritet të ndodhi dhe të kuptojmë më mirë vendin që zëmë pa nënvlerësim dhe mbivlerësim,”- tha Vuçiç.

Qeveria e Maqedonisë së Veriut pritet të vendosë sot nëse do të marrë pjesë në samitin që do të mbahet në Bruksel, Shqipëria nuk e ka bërë me dije qëndrimin e saj.

samiti be-ballkani perendimor

Sondazh

Poll

MË SHUMË