Politike

Kanë ndërprerë marrëdhëniet? Rama në Kosovë, s’takohet me Osmanin

Rama kaloi fundjavën në Kosovë por nuk u takua me presidenten Vjosa Osmanin. Çfarë ka ndodhur mes tyre, pse kjo ftohje kaq e madhe?

21 Qershor 2022, 09:53 Nga A.B
Kanë ndërprerë marrëdhëniet? Rama në Kosovë,
Edi Rama, Vjosa Osmani

TIRANË- Fundjava që kaloi e gjeti kryeministrin Edi Rama në Kosovë. Ai kreu vizita formale e jo formale mirëpo në morinë e gjithë personavë që u takua, nuk ishte presidentja e Kosovës, Vjosa Osmani.

Gjatë konferencës së përbashkët me kryeministrin Albin Kurtin, Rama u pyet se përse nuk e quan Osmanin si presidente të vendit por i drejtohet Hashim Thaçit me termin president. Rama u shpreh se e di mjaft mirë se Osmani është presidente e se i uron shëndet duke mos e komentuar më gjatë marëdhënien që ka me të.

'Duhet ta hedhim të gjithë së bashku këtë hap drejt shoqërive, që termin ish-president nuk e përdorim. Nëse e shikoni si përdoret në SHBA. Kur unë them Presidenti Thaçi nuk nënkupton se cila është presidentja e Kosovës, Vjosa gëzon shëndet të plotë, s'ka probleme me Hagën, i uroj shëndet, Nuk ka aryse se përse kur i drejtohem Hashimit po nënçmoj presidenten aktuale.'- tha Rama ditën e djeshme. 

Ky nuk është rasti i vetëm që ftohja mes tyre ka rënë në sy. Edhe në samitin e Procesit të Bashkëpunimit të Evropës Juglindore (SEECP), Rama e Osmani u panë në një tryezë mirëpo nuk patën asnjë lloj kontakti. Madje dhe në fotografitë që u shpërndanë në rrjet, Rama shihej i distancuar nga Osmani, e po ashtu edhe kjo e fundit. 

Kanë ndërprerë marrëdhëniet? Rama në Kosovë,

edi rama rama ne kosove vjosa osmani

Sondazh

Poll

MË SHUMË