Bota

Të paktën 260 civilë u vranë në një sulm të armatosur në Etiopi

Një banor foli për 260 të vdekur, tjetri për 320. Ata nuk pranuan të japin emrat e tyre për shkak të frikës për sigurinë e tyre.

20 Qershor 2022, 16:17 Nga d.a
Të paktën 260 civilë u vranë në një sulm të
sulm ne Etiopi

ETIOPI- Të paktën 260 civilë u vranë në një sulm të armatosur në rajonin Oromia të Etiopisë të shtunën, sipas dy banorëve që dhanë raporte të detajuara sot se si morën pjesë në varrosjen e trupave në varreza masive.

Sipas Protothemës, një banor foli për 260 të vdekur, tjetri për 320. Ata nuk pranuan të japin emrat e tyre për shkak të frikës për sigurinë e tyre.

Më herët gjatë ditës, kryeministri Abi Ahmed dënoi "aktet e tmerrshme" që ai përshkroi në Oromia, pa dhënë detaje. 

“Sulmet ndaj civilëve të pafajshëm dhe shkatërrimi i mjeteve të tyre të jetesës nga forcat ilegale dhe të padisiplinuara janë të papranueshme”, tha ai në Twitter.

Kreu i komisionit të të drejtave të njeriut i emëruar nga Etiopia tha të dielën se një organizatë e quajtur Ushtria Çlirimtare e Oromos (OLA) ishte përgjegjëse për "sulmin dhe shkatërrimin vdekjeprurës" në Oromia, pa dhënë detaje.

sulm ne etiopi 260 te vrare ne etiopi abi ahmed 

Sondazh

Poll

MË SHUMË